POP 5

Lajmet më të lexuara të 5 minutave të fundit

Sociale

Investimi 1 mln €, Manastirliu: Shtohen 12 mjekë të rinj, transformojmë Poliklinikën e Vlorës

12 mjekë specialistë i shtohen spitalit rajonal të Vlorës e ndërsa ministrja Manastirliu inkurajoi mjekët e rinj që i janë bashkuar spitalit të Vlorës, duke lajmëruar edhe rritjen e pagave.

Investimi 1 mln €, Manastirliu: Shtohen 12 mjekë të rinj, transformojmë Poliklinikën e Vlorës

Ministrja Ogerta Manastirliu në Poliklinikën e Vlorës

Poliklinika e qytetit të Vlorës po transformohet me një investim prej 1 milion euro në infrastrukturë dhe pajisje mjekësore moderne.

Ministrja e Shëndetësisë dhe Mbrojtjes Sociale, Ogerta Manastirliu pa nga afër investimin që po kryhet në poliklinikën e specialiteteve, që i shërben rreth 150 mijë qytetarëve në vit.

“Ky është një model i transformimit të qendrave të specializuara që i shërben jo vetëm qytetarëve të Vlorës por edhe turistëve të shumtë. Garanton edhe shërbimin e urgjencës mjekësore, përveç 17 shërbimeve të specializuara që do të ofrojë”, u shpreh Ministrja Manastirliu.

Ministrja e Shëndetësisë dhe Mbrojtjes Sociale u ndal edhe në spitalin e Vlorës, ku sapo janë punësuar 12 mjekë specialistë.

“Ne po investojmë jo vetëm në infrastrukturë, por investimi më i rëndësishëm është ai në burime njerëzore. 12 mjekët specialistë që tashmë kanë nisur punë në spitalin e Vlorës kanë plotësuar ato mungesa që kishim në këtë spital, për shërbime si kardiologjia, onkologjia, urgjenca, etj”, tha Manastirliu.

Ministrja e Shëndetësisë inkurajoi mjekët e rini që i janë bashkuar spitalit të Vlorës, duke lajmëruar edhe rritjen e pagave.

“Që nga data 1 Prill ka nisur rritja e pagave me 7% për 4,650 mjekë dhe 13,765 infermierë”, tha Manastirliu.

Spitalit rajonal të Vlorës i janë shtuar edhe 3 autoambulanca moderne, duke përmirësuar jo vetëm kohën e pritjes por edhe cilësinë e shërbimit të urgjencës në territor. Investimet e fundit në spitalin e Vlorës kanë mundësuar shërbime të reja, si, ndërhyrjet me metoda të avancuara me aparaturën e laparoskopisë. 600 mijë euro është vlera e investimit në aparatura mjekësore të teknologjisë së lartë në spitalin rajonal të Vlorës, duke siguruar shërbim të specializuar, afër vendbanimit.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu