Forcat irakiane të sigurisë kanë vrarë të paktën 279 terroristë gjatë 24 orëve të fundit, ndërkohë që po përgatiten të ndërmarrin një kundërofensivë për të ndaluar avancimin e xhihadistëve, njoftoi një zyrtar i sigurisë. ”Forcat e Bagdadit kanë rimarrë kontrollin përballë xhihadistëve, të cilët kanë përfituar”, theksoi zëdhënësi i ngarkuar me sigurinë nga kryeministri, Nouri al-Maliki, zëvendësgjenerali, Qassem Atta, në një konferencë shtypi të transmetuar në televizion.

Forcat e sigurisë kanë njoftuar rregullisht bilance nga radhët e kryengritësve të vrarë, e pamundur për t’i verifikuar në mënyrë të pavarur dhe janë munduar të minimizojnë humbjet në radhët e tyre.

Marrë nga "ATSH"