Në kryeqytetin irakian, Bagdat, viktimat ishin pelegrinë shiitë, të cilët ishin mbledhur në një tubim fetar, në kohën kur nje makinë bombë ka shpërthuer në mes të turmës. Ndërsa në Hila, dy makina bombë kanë shpërthyer pranë një restoranti në të cilin ndodheshin edhe punonjës policie, duke shkaktuar të paktën 19 të vdekur.
Tre bomba kanë shpërthyer në Kirkuk dhe një prej tyre ka pasur si shënjestër selinë e një partie politike. Në këtë sulm një person vdiq dhe shumë të tjerë u plagosën rënde në këtë sulm. Raportohet për shpërthime të bombave edhe në Al-Azizyah, në jug të Bagdadit, në Mosul, dhe një tjetër në veri të Qerbelasë.
Asnjë grup terrorist nuk e ka marrë përsipër përgjëgjësinë për sulmet me bomba. Ndërkohë edhe pse dhuna në Irak ka rënë që nga vrasjet sektare të disa viteve më parë, sërish ndodhin sulme të tilla, të grupeve të ndyshme fetare kundër njeri tjetrit dhe kundër forcave të sigurimit.
(eb/shqiptarja.com)