IRAK-Të paktën 15 persona kanë humbur jetën dhe 40 të tjerë kanë mbetur të plagosur pas një sulmi me makinë bombë në Bagdad.
 
Autoritetet irakiane kanë deklaruar se shpërthimi i makinës bombë ka ndodhur në kryeqytetin irakian, në një postobllok policie.
 
Ende asnjë grup terrorist nuk ka marrë përgjegjësinë për sulmin, ndërkohë që i ashtuquajturi Shteti Islamik, ka marrë përgjegjësinë për sulme të ngjashme të cilat kanë ndodhur gjatë muajve të fundit.
 
Sulmi vjen në një kohë kur forcat irakiane po vazhdojnë një ofensivë të madhe për të rimarrë kontrollin e plotë të qytetit të Mosulit, i cili cilësohet si "kështjella" e fundit e ISIS në Irak.
 
Redaksia Online
D.T/Shqiptarja.com