Iraku: 7 mijë bashkëpunëtorë të
ISIS ndodhen në vend

Zyrtarë të sigurisë në Irak, kanë deklaruar se në vend ndodhen ende 7.000 bashkëpunëtorë të të ashtuquajturit Shtet Islamik.

Sipas burimeve të Associated Press, e cila citon zyrtarë të inteligjencës irakiane si burime të saj, 4 mijë militantë dhe 3 mijë mbështetës janë punësuar nga grupi ekstremist dhe janë paguar për shërbimin e tyre.

Lideri i Shtetit Islamik, Abu Bakr al- Baghdadi,  tre vite më parë shpalli kalifatin e ISIS në Mosul.

Sipas inteligjencës irakiane numri i militantëve të cilët janë në Siri është afërsisht 7 mijë militantë dhe 5 mijë mbështetës.

Kryeministri i Irakut, Haider al- Abadi, më 10 korrik shpalli çlirimin e Mosulit nga forcat e ISIS, ndërsa disa ditë më vonë, Stephen Townsend, komandant i forcave që mbështeten nga SHBA-ja në Siri dhe Irak, deklaroi se beteja në Irak ndaj Shtetit Islamik  ende nuk ka përfunduar.

Redaksia Online
D.T/Shqiptarja.com