Irani konfirmon që i ka dhënë dronë Rusisë, por ‘muaj para luftës në Ukrainë’

Irani për herë të parë konfirmoi se i ka shitur dronë Rusisë, por tha se kjo ndodhi “muaj” para fillimit të luftës në Ukrainë. Duke folur me gazetarët pas një ngjarjeje në Teheran të shtunën, ministri i Jashtëm Hossein Amirabdollahian adresoi pretendimet e zyrtarëve perëndimorë se dronët iranianë i ishin furnizuar Moskës për pushtimin e saj dhe se raketat tokë-tokë mund të jenë gjithashtu në rrugë.

“Komentet e tyre për pjesën e raketave janë krejtësisht të gabuara, dhe pjesa e dronëve është e saktë. Ne i dhamë Rusisë një numër të kufizuar dronësh muaj dhe para luftës në Ukrainë”, tha Amirabdollahian.

LEXO EDHE:
Sulm me dron në portin rus, raportohet për viktima dhe të plagosur

Zyrtarët iranianë kishin thënë më parë në shumë raste se Teherani kishte bashkëpunim "mbrojtës" me Rusinë, por nuk e kishte furnizuar Kremlinin me armë "me qëllim që të përdorej në luftën në Ukrainë".

Lajmi kryesor:

Lufta/ Irani e pranon: Kemi furnizuar Rusinë me dronë! Zelensky: Gënjeshtër, ne rrëzojmë çdo ditë dronë iranianë

K.T./Shqiptarja.com

TAG:
• rusia sulmon ukrainen
• lufta ne ukraine