IRAN - Mijëra iranianë, të cilët bërtisnin “Vdekje Amerikës” kanë djegur sot flamurin amerikan, për të shënuar 33-vjetorin e pushtimit të ambasadës së SHBA-ve në Teheran.

Protestuesit bërtisnin parulla anti-britanike dhe anti-izraelite, duke e djegur edhe flamurin e Izraelit, derisa u mblodhën në zonwn ku ndodhej atëherë ambasada.

Tubimi i këtij viti erdhi disa ditë para zgjedhjeve presidenciale në SHBA.

Fuqitë perëndimore kanë vënë sanksione ekonomike ndaj Iranit, për shkak të programit të tij bërthamor. Irani, nga ana tjetër, i mohon këto akuza duke thënë se një gjë e tillë bëhet vetëm për gjenerim paqësor të energjisë dhe për qëllime mjekësore.

(eç/shqiptarja.com)