Ironizon Bejko: Ne provincialët 
presim të tjerë të mëdhenj nga Tirana 

Kryedemokrati i Gjirokastrës, Roland Bejko duket se ka zgjedhur të ironizojë kandidatët për kryetarin e FRPD.

Ditët e fundit, dega e PD-së në Gjirokastër është vizituar nga 2 kandidatët, Ervin Salianji dhe Oriela Nebijaj, të cilët kanë zhvilluar takime me strukturat rinore atje.

Dhe për të ruajtur ekuilibrat e një gare që për kryetarin demokrat Lulzim Basha duhet të jetë e barabartë për të gjithë, Bejko poston ne Facebook fotot e takimeve si me Salianjin ashtu edhe me Nebijajn, por duke e shoqëruar edhe më një ironi. “Si "provincialë" që jemi, gëzojmë kur na vjen ndonjë "i madh" nga Tirana për të bërë foto me ta... !

Presim të tjerë të "mëdhenj" të na nderojnë me ardhjen e tyre!”, shkruan Bejko në Facebook.

Më tej ai thekson se si një nga 5-6 themeluesit e parë të FRPDSH, do të presë e do të ndajë me të gjithë kandidatët eksperiencën e tij 25 vjeçare si dhe të njihet me vizionin e tyre për të ardhmen. Ai fton të rinjtë e Gjirokastrës që të anëtarësohen në FRPD për të ushtruar të drejtën e votës për kryetarin e ardhshëm. 



Redaksia Online
Shqiptarja.com