Në një status në Facebook, Harasani shkruan: “Mjerë Shqipëria e mjerë diplomacia”. “Me çu ambasador një hajdut e një kontrabandist!”.
Ndonëse nuk përmend emra konkretë se për kë bëhet fjalë, janë ndjekësit e Harasanit në rrjetet sociale, ata të cilët informojnë se bëhet fjalë për kandidatin për ambasador në Turqi, Genti Gazheli.
Ky i fundit u akuzua pak ditë më parë nga ish kryeministri Sali Berisha për kontrabandë dhe pastrim parash. Në shtator të 2013-ës, Gent Gazheli u emërua nga kryeministri Edi Rama drejtor në Drejtorinë e Përgjithshme kundër Pastrimit të Parave.
Ai u largua nga detyra dy javë më parë, ndërsa u kandidua nga Ministria e Jashtme për ambasador në Turqi, kandidaturë e cila u miratua dje nga komisioni për Politikën e Jashtme dhe iu përcoll Presidentit Nishani për dekretim
Redaksia Online
Shqiptarja.com