Ish-kryeministri Berisha humbet
njeriun e afërt: Ishte motër e vërtetë

Ish-kryeministri Sali Berisha me një status në Facebook njofton se është ndarë nga jeta një pjesëtar i familjes së tij. Berisha njofton se ka humbur bashkëshorten e vëllait të tij të ndjerë, Sanije Berisha. Ish-kryeministri sqaron se e ndjera vuante nga një sëmundje e rëndë. Berisha shprehet se ka qenë si një motër e vërtetë për të dhe për gruan e tij e cila e ka ndihmuar shumë në vitet e studimeve. 

Statusi i plotë i Sali Berishës:
Nje lamtumire e dhimbshme per ne!

Te dashur miq, sot familja jone me dhimbje dhe pikellim te thelle i dha lamtumiren e fundit nje njeriu shume te dashur per te gjithe ne, Sanie Berishes, bashkeshortes se vellait tim te ndjere. Sanija, vajze e nje familje dhe dy prinderve te nderuar, erdhi ne familjen tone si permbushje e nje premtimi qe ajo dhe vellai im i dashur, Selim Berisha i kishin dhene njeri tjetrit ne rini per te lidhur jeten se bashku. Ajo, me virtutet, edukaten, punen do te deshmohej nje bashkeshorte e admirueshme, shok jete dinjitoze e vellait tim, nje vajze e dyte per prinderit e mi, nje nene e mrekullueshme per femijet e saj dhe mesuese e perkushtuar per nxenesit ne shkollat ku dha mesim.

Per mua mua dhe Lilin ajo ishte nje moter e vertet. Sanija, se bashku me vellain tim me dhane mua ne vitet e studimeve nje ndihme dhe mbeshtetje tejet te çmuar.

Me kete rast dua te shtoj se Sanija jo gjithnje kishte fatin ne anen e saj. Rreth tridhjete vjet me pare vellai im u nda relativisht i ri nga nga jeta dhe ajo mbeti zonje dhe zot shtepie. Por grua fisnike e pamposhtur nga veshtiresite dhe me sakrifica te medha ajo rriti, edukoi dhe nxori ne jete me sukses tre femijet e saj.

Me pas pati fatin e madh te behet gjyshe e lumtur e nipave dhe mbeses se saj. Sanija keto vite e fundit vuajti nga nje semundje e rende, e cila dje, megjithe kujdesin e madh te vajzes, djemve, te rejave, nipave, mbeses dhe te gjithe familjes, e ne veçanti te mjekeve, e ndau prej nesh duke lene tek ne te gjithe ne zemrat tona mirenjohje te thelle, dashuri te madhe dhe kujtimin e paharruar te saj.

I lehte qofte per ty sonte dheu Sanija jone e dashur! sb

(Postimi i Sali Berishës në Facebook)

Redaksia Online
A.Gj/Shqiptarja.com