Ish presidenti rus: Sanksionet perëndimore nuk do të ndikojnë në Kremlin

Është "marrëzi" të besohet se sanksionet perëndimore kundër bizneseve ruse mund të kenë ndonjë efekt mbi qeverinë e Moskës, citohet të ketë thënë ish-presidenti rus dhe nënkryetari i këshillit të sigurisë Dmitry Medvedev.

Sanksionet vetëm do të konsolidojnë shoqërinë ruse dhe nuk do të shkaktojnë pakënaqësi popullore me autoritetet, tha Medvedev për agjencinë ruse të lajmeve RIA në një intervistë.

Perëndimi ka vendosur një sërë sanksionesh ndaj Rusisë pas pushtimit të saj në Ukrainë, me disa që synojnë veçanërisht biznesmenë miliarderë që besohet se janë të afërt me presidentin Vladimir Putin.

“Le të pyesim veten: A mundet ndonjë prej këtyre biznesmenëve të mëdhenj të ketë edhe sasinë më të vogël të ndikimit të pozicionit të lidershipit të vendit? tha zoti Medvedev.

"Unë ju them hapur: Jo, në asnjë mënyrë."

Medvedev tha se sondazhet treguan se tre të katërtat e rusëve mbështesin vendimin e Kremlinit për të kryer një operacion ushtarak në Ukrainë dhe akoma më shumë mbështetën Putinin.

Lajmi kryesor:

Shpërthime në Lviv, pesë të plagosur! Rusët godasin një reaktor bërthamor kërkimor në Ukrainë! Biden në Poloni: Putin diktator, nuk mund të qëndrojë në pushtet! Kremlini: S'e vendos ti kush udhëheq

G.B./Shqiptarja.com

TAG:
• ukraine
• Rusi
• rusia sulmon ukrainen