POP 5

Lajmet më të lexuara të 5 minutave të fundit

Kronikë

Ish të burgosur në qelitë e tmerrit
në Spaç: Vend i larë me gjak

Shënohet 44-vjetori i revoltës në burgun famëkeq të Spaçit në Mirditë. Dhjetëra ish të burgosur kanë vizituar qelitë në të cilat kanë vuajtur dënimin. Mes ofshamash të trishta ata kanë kujtuar rininë e humbur në një burg të mallkuar që u kishte bërë dhuratë diktatura komuniste. Me 21 maj të vitit 1973 të burgosurit politik të Spaçit u ngritën në një revoltë antikomuniste, por që përfundoi me pushkatimin e disa prej tyre. VIDEO  FOTO
Ish të burgosur në qelitë e tmerrit<br />në Spaç: Vend i larë me gjak
Përkujtohet 44 vjetori i revoltës në burgun famëkeq të Spaçit. Ish të burgosur politik dhe të afërm të tyre  janë rikthyer pas 44-vjetësh, ata kanë vizituar qelitë ku kanë kaluar vitet e rinisë.
 
Në kuadër  të kësaj ngjarje u organizua dhe një veprimtari përkujtimore ku merrnin pjese dhe përfaqësues lokal dhe të komuniteteve fetare.
 
Ish të burgosurit tregojnë torturat dhe vuajtjet që kanë kaluar në këtë vend, teksa thonë se edhe sot pas 26 vitesh demokraci nuk ndjehen aspak të vlerësuar nga shteti Shqiptar.
 
Me 21 maj të vitit 1973 të burgosurit politik të Spaçit u ngritën në një revoltë antikomuniste, por që përfundoi me pushkatimin e disa prej tyre.
 
"Pas shumë vitesh edhe vetë nuk e  besoj se çfarë vuajtjesh kemi hequr në atë kohë. Kam bërë 12 vite burg. Flinim 54 vetë në një dhomë, krevate ishin 3-katëshe."
 
"Kam qenë 20 vjeç, më rrihnin, më fusnin në birucë, tortura nga më çnjerëzoret."
 
"Këtu vetëm dhomat e gazit kanë munguar. Një Gestapo e vërtetë, një Aushvic i vërtetë. Një vend i larë me gjak, këtu duhet pëllëmbe e lapidarë, qeveritë na ka lënë pas dore, na kanë përdorur vetëm për fushatë", u shprehën ish të burgosurit.
  
Ishte folur shumë për kthimin e burgut në një vend të vizitueshëm për të parë peripecitë e atyre që kanë vuajtur në të, por deri tani gjithçka ka mbetur vetëm premtim dhe asgjë tjetër.
 
Burgu i Spaçit në Mirditë vazhdo të jetë një objekt gërmadhë. Ndryshe nga herët e tjera ku fjalët boshe janë thënë nga Tirana, këtë radhë kanë qenë disa premtime nga disa ish banorë të kësaj zone të cilët thonë se ky objekt do të jetë shumë shpejt një muze.
 
"Ne nuk do të heshtim, ne do bëjmë që këto vende të kujtohen. Që krimet e komunizmit jo vetëm të kujtohen por edhe të ndëshkohen. Shpirtrat e këtyre njerëzve këtu dhe qindra të tjerëve që janë të mbuluar në këto kodra e male nuk do të kenë paqe pa u ndëshkuar këto krime", tha Nebil Çika, Kryetar i Shoqatës të ish të përndjekurve politik.
 
"Jam këtu për të kujtuar revoltën e Spaçit dhe për t'i bërë thirrje qeverisë shqiptare që të kujdeset për kthimin në muze të këtij vendi me qëllim që të kujtohen të gjithë ata që kanë vuajtur në këtë vend", tha Zef Doçi, banor i zonës.
 
Ish burgu famëkeq i Spaçit në Mirditë do të mbahet mend gjatë në historinë e kombit tonë për vuajtjet që kanë përjetuar me qindra të dënuar të cilët edhe pse të burgosur për motive politike, guxuan në kulmin e diktaturës të shprehin bindjet e tyre për një Shqipëri të lirë. 

[gallery]22386[/gallery]

Redaksia Online
Al.N/Shqiptarja.com

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

Dy fitore në 26 javë, skuadra e La Liga-s shkarkon trajnerin

Dy fitore në 26 javë, skuadra e La Liga-s shkarkon trajnerin

20 Mars, 22:57