POP 5

Lajmet më të lexuara të 5 minutave të fundit

Kultura

Ish-kryepolici Ahmet Prençi bën një tjetër hap, libri “Brenga e Prokurorit” botohet në anglisht edhe në SHBA

Shkrimtari shqiptar Shefqet Metko, që jeton në Amerikë, shkruan me një postim se prej 6 nëntorit libri i Prençit, aktualisht komisioner i Avokatit të Popullit, është hedhur në shitje edhe në libraritë e SHBA dhe në ‘Amazon’: Moment krenarie për shqiptaro-amerikanët

Ish-kryepolici Ahmet Prençi bën një tjetër hap, libri “Brenga e Prokurorit” botohet në anglisht edhe në SHBA

Kopertina e librit 'Brenga e prokurorit', i Ahmet Prençit

Ish-kryepolici Ahmet Prençi la emrin si një profesionist në detyrat e larta shtetërore që mbajti si garant i zbatimit të ligjit, teksa vazhdon në detyrën si Komisioner i Avokatit të Popullit, por ka surprizuar dhe si njeri i letrave.

Me botimet e reja, tashmë ka pasur një sukses jo vetëm në Shqipëri, por nga 6 Nëntori Ahmeti ka hedhur një hap të madh në Shtetet e Bashkuara të Amerikës. Romani më i ri i tij “Brenga e Prokurorit”, është botuar në anglisht në SHBA dhe për lexuesit është hedhur në shitje.

Libri mund të porositet edhe nё Amazon.com. Lajmin për autorin e ndan për lexuesit një tjetër shkrimtar me emër në Shqipëri dhe SHBA, miku i tij Shefqet Meko, në statusin e tij zyrtar në Facebook (Meta).

Statusi i Shefqet Mekos në FB:

“Ndihem mirё, qё pas “befasisё elektorale” nё Amerikё, të ndaj njё lajm ndryshe: Shkrimtari Ahmet Prençi, njeriu “i verbuar” pas prozёs sё gjatё, ka bёrё njё hap tё madh duke rrёfyer edhe nё anglisht. Libri i tij, ”Brenga e Prokurorit” pёrkthyer nga neozelandezja June Taylor dhe redaktuar nga stafi i shtёpisё botuese Autorёt e Rinj, nё Maddison, Uiskonsin, (www.newbookauthors.com) botohet nё Shtetet e Bashkuara me titullin: “Prokurori”-“The Prosecutor”. Ky ёshtё moment krenarie dhe gёzimi pёr ne si shqiptaro-amerikanё. Urime mikut tim Ahmet Prençi”.

Ahmet Prençi është një shkrimtar dhe jurist shqiptar i cili ka botuar disa libra. Prençi ka punuar për mbi dy dekada me Strukturën e Zbatimit të Ligjit; për tre vjet ka qenë edhe Drejtor i Përgjithshëm i Policisë së Shtetit Shqiptar. Aktualisht është Komisioner i Avokatit të Popullit, detyrë zyrtare e zgjedhur nga Kuvendi i Shqipërisë. “Prokurori” është romani i tij i parë i botuar në Shtetet e Bashkuara të Amerikës, shkruhet në “Amazon” për karrierën e Prençit.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56