Ish-presidenti u largua nga Afganistani, vëllai i tij bashkohet me talebanët

Hashmat Ghani, vëllai i Presidentit që u largua nga Afganistani është shprehur se duhet të pranohet marrja e Afganistanit nga Talebanët. Në një prononcim për median Al Jazeera thotë se pranimi i qeverisë së re është i domosdoshëm në një kohë kur të gjitha forcat e huaja do të tërhiqen përfundimisht nga Afganistani. Sipas Al Jazeera ai është takuar gjatë këtyre ditëve me udhëheqësit talebanë. Ndërsa është shprehur se ishte dakord.

Megjithëse vëllai i tij, ish-presidenti Ashraf Ghani iku nga Afganistani më 15 gusht, ai është shprehur se nuk ka ndërmend të largohet nga vendi.

"Nëse do të ikja, çfarë do të bëhej me popullin tim, fisin tim ... Rrënjët e mia janë këtu" tha Hashmat Ghani.

LEXO EDHE:
Gaza/ Hamas: Sinwar ka dalë nga tunelet dhe po viziton zonat e luftës! Izraeli falenderon Biden për ndihmën: Aleanca jonë është e hekurt

I pyetur për ikjen e vëllait të tij, Hashmet Ghani është shprehur se është i lumtur që ai të paktën është larguar pa u vrarë, pasi nëse do të kishte ndodhur në gjë e tillë situata do të ishte përkeqësuar.

Kujtojmë që presidenti Ashraf Ghani u largua nga Afganistani me 15 gusht me pretendimin se nuk donte të shkaktonte gjakderdhje, Fillimisht ai u zhvendos në Taxhikistan, por më pas iku në Emiratet e Bashkuara Arabe së bashku me familjen e tij. Për largimin e tij ka pasur një reagim nga ambasadori afgan në Taxhikistan, Mohammad Zahir Aghbar i cili akuzoi presidentin se kur është larguar ka marrë me vete 169 milionë dollarë. Mirëpo këto akuza janë mohuar nga presidenti i larguar.

Lajmi kryesor:

Afganistan/ Kaos në aeroport, turma shtyp për vdekje 4 gra! Lideri i talebanëve në Kabul 'për bisedime' qeveritare, iu bashkohet vëllai i ish-presidentit

SI.E./Shqiptarja.com

TAG:
• nato
• SHBA
• Afganistan
• Kabul
• talebanët
• Joe Biden