Ishte martuar vetëm pak ditë më parë dhe kishte gruan shtatzënë, gazetari rrëfen historinë prekëse të ushtarit Ukrainas që u vra nga bombardimet ruse

 

Fotoreporteri ukrainas Andriy Dubchak ka rrëfyer një histori prekëse të vrasjes së një ushtari në Ukrainë nga sulmet Ruse.

‘Ndonjëherë mendoni me vete se shumica e ngjarjeve nuk kanë rëndësi! Ju mendoni se shumë gjëra janë të rastësishme! Dhe pastaj krejt papritur diçka rezulton të jetë shumë e rëndësishme!

Serhii Mashovets, ushtar ukrainas, e takova për rreth gjysmë orë rastësisht në datën 13 mars, në rrugën që të çon ne Horenka. Ai ishte shumë i lumtur, si një fëmijë, dhe më tregoi unazën e tij të martesës. Ishte martuar një ditë më parë në 12 mars, pasi gruaja e tij tashmë shtatzënë refuzoi të zhvendosej në Itali pa lidhur martesë.

Më datë 14, një ditë pasi e takova, ai u vra në një bombardim artilerie, pikërisht në të njëjtën rrugë, së bashku me komandantin Kruk dhe dy gazetarë të FOX News. Mëngjesin e datës 19 mars, po rastësisht përfundova në funeralin e Serhiit në varrezat ushtarake Lukyanivka... Video e tij ja kalova familjes.’- shkruan ai.

Lajmi kryesor:

Bombardime në qendër të Kievit! Zelensky: Çdo marrëveshje paqeje me Rusinë do bëhet me referendum! Biden një orë bisedë telefonike me liderët e BE-së

M.Q./r.k./Shqiptarja.com

TAG:
• rusia sulmon ukrainen
• ukraine
• Rusi