POP 5

Lajmet më të lexuara të 5 minutave të fundit

Kronikë

Ishte në kërkim për vjedhje me dhunë, arrestohet 31 vjeçari, qarkullonte me armë  në makinën luksoze! Në pranga edhe shoku që e shoqëronte

Jurgen Zotaj, 31 vjeçari që qarkullonte me armë zjarri pistoletë në automjet ndërkohë që ishte në kërkim për vjedhje me dhunë, kapet në flagrancë dhe vihet në pranga. Edhe pasagjeri në këtë automjet, shtetasi Ermal Binjaku, është arrestuar për moskallëzim krimi.

Ishte në kërkim për vjedhje me dhunë, arrestohet 31 vjeçari, qarkullonte me armë  në makinën luksoze! Në pranga edhe shoku që e shoqëronte

Makina dhe arma që u sekuestruan

VLORË- Jurgen Zotaj, 31 vjeçari që qarkullonte me armë zjarri pistoletë në automjet ndërkohë që ishte në kërkim për vjedhje me dhunë, është kapur në flagrancë dhe është vënë në pranga. Edhe pasagjeri në këtë automjet, Ermal Binjaku, është arrestuar për moskallëzim krimi.

Policia sekuestroi armën e zjarrit pistoletë me municion luftarak dhe automjetin luksoz tip 'Range Rover' që drejtonte 31-vjeçari.

"Shërbimet e Delta Force, në bashkëpunim me Komisariatin e Policisë Vlorë, në vijim të punës për goditjen e paligjshmërisë në fushën e armëmbajtjes pa leje, bazuar dhe në inteligjencën informative për dy shtetas që po qarkullonin në fshatin Kotë me automjet dhe dyshoheshin se ishin të armatosur dhe mund të kryenin ndonjë veprimtari kriminale, menjëherë kanë organizuar dhe finalizuar operacionin policor të koduar "Outside", si rezultat i të cilit u arrestuan në flagrancë shtetasit:   

- Jurgen Zotaj, 31 vjeç, banues në Vlorë, për veprën penale "Mbajtja pa leje dhe prodhimi i armëve, armëve shpërthyese dhe i municionit";

- Ermal Binjaku, 34 vjeç, banues në Tiranë, për veprën penale “Moskallëzimi i krimit", njoftoi policia.

Në vendin e quajtur “Fusha e Murrës”, në fshatin Kot, shërbimet e Policisë kanë ndaluar automjetin dhe gjatë kontrollit fizik, 31-vjeçarit iu gjet një armë zjarri pistoletë me krehër dhe municion luftarak, të cilat u sekuestruan në cilësinë e provës materiale, bashkë me automjetin.

Nga verifikimet e mëtejshme rezultoi se ishte i shpallur në kërkim pasi Gjykata e Shkallës së Parë e Juridiksionit të Përgjithshëm Lushnjë, me vendimin e datës 17.11.2022, i ka caktuar masën e sigurisë “Arrest në burg”, për veprën penale" “Vjedhja me dhunë”, kryer në bashkëpunim.

Materialet i kaluan Prokurorisë, për veprime të mëtejshme procedurale.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

E rëndë në Fier/ Gruaja bie nga kati i shtatë, ndërron jetë

E rëndë në Fier/ Gruaja bie nga kati i shtatë, ndërron jetë

26 Nëntor, 13:06