POP 5

Lajmet më të lexuara të 5 minutave të fundit

Kronikë

Ishte shpallur i zhdukur nga familja, gjendet i pajetë 46-vjeçari në Elbasan

Një trup i pajetë është gjetur në lumin Shkumbin në afërsi të fshatit Papër në Elbasan. Dyshohet se trupi i pajetë i përket 46-vjeçarit Blerim Preçi

Pesë ditë pas zhdukjes, polumbarët e forcave elitë RENEA kanë gjetur trupin e pajetë të Blerim Preçit, 46-vjeçarit që u denoncua i humnur nga familjarët.

Prej të enjtes së 22 qershorit blutë nisën kërkimet në ujërat e lumit “Shkumbin”, pas denoncimit në polici të vëllait të tij.

Ditën e humbjes së kontakteve me familjes, Blerim Preçi kishte qenë duke punuar një sipërfaqe toke që e kishte buzë lumit, dhe gjatë denoncimit vëllai i tha Policisë së Elbasanit se kishte dyshime se mund ta ketë marrë rrjedha e ujit pas kthimit për në banesë, në mënyrë aksidentale.

Sipas policisë atë e kishte marrë rrjedha e ujit, teksa kishte qenë duke kaluar në anën tjetër të lumit Shkumbin.Me marrjen e njoftimit, policia u ndihmua nga RENEA dhe gjetja e trupit u bë këtë të hënë, në shtratin e lumit “Shkumbin”.

'Pas 5 ditësh kërkime të pandërprera, polumbarët e Repartit Special RENEA gjejnë në ujërat e lumit Shkumbin, trupin e 46-vjeçarit që e mori rrjedha aksidentalisht, teksa kalonte lumin. Në vijim të informacionit të dhënë më datë 22.06.2023, sipas të cilit dyshohej se shtetasin B. P., 46 vjeç, e kishte marrë rrjedha e ujit, teksa kishte qenë duke kaluar në anën tjetër të lumit Shkumbin, pasi kishte punuar një sipërfaqe toke, ju bëjmë me dije se: Polumbarët e Repartit Special RENEA, të cilët menjëherë pas marrjes së njoftimit, iu kanë shkuar në ndihmë shërbimeve të Drejtorisë Vendore të Policisë Elbasan, kanë bërë të mundur, si rezultat i kërkimeve të pandërprera 5-ditore, gjetjen e trupit të pajetë të 46-vjeçarit, në ujërat e lumit Shkumbin, konkretisht në fshatin Papër. Trupi i pajetë i këtij shtetasi u dërgua në morg, për kryerjen e ekspertizës së mëtejshme. Vijojnë veprimet për dokumentimin e plotë ligjor të kësaj ngjarjeje.'- njofton policia.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Procesi/ Presidenti dhe kriminel i dënuar, vendimi historik ndaj Trump për rastin e yllit porno

Procesi/ Presidenti dhe kriminel i dënuar, vendimi historik ndaj Trump për rastin e yllit porno

11 Janar, 08:26 nga Massimo Basile