Vuante nga Somnambulizmi, bie nga ballkoni 13-vjeçari në Elbasan, ndërron jetë

ELBASAN- Një ngjarje e rëndë ka ndodhur në Elbasan. Një 13-vjeçar, i cili vuante nga somnambulizmi, ka rënë aksidentalisht  nga ballkoni i pallatit dhe ka ndërruar jetë. Ngjarja ka ndodhur rreth orës 05:15 të mëngjesit , në lagjen “Emin Matraxhiu”.

Nga veprimet e para hetimore rezulton se 13 vjeçari kishte probleme me gjumin (vuante nga Somnambulizmi, të ecurit gjatë gjumit) dhe në momentin e rënies nga ballkoni 13 vjeçari ka qenë vetëm në banesë. 13-vjeçari jetonte me mamanë dhe me vëllain, pasi babai i kishte ndërruar jetë para pak kohësh.

'Rreth orës 05:15 të mëngjesit të sotëm, në lagjen “Emin Matraxhiu”, Elbasan, ka rënë aksidentalisht nga ballkoni i pallatit, 13-vjeçari A.M, i cili ka ndërruar jetë. Nga veprimet e para hetimore rezulton se 13 vjeçari kishte probleme me gjumin (vuante nga Somnambulizmi, të ecurit gjatë gjumit) dhe në momentin e rënies nga ballkoni 13 vjeçari ka qenë vetëm në banesë. Grupi hetimor nën drejtimin e Prokurorisë vijon punën për zbardhjen e plotë të rrethanave të ngjarjes.'- njofton policia.

LEXO EDHE:
Prokurori i Durrësit Anton Pali pezullohet nga detyra për një vit, dërgohet për riedukim

M.Q./Shqiptarja.com

TAG:
• Elbasan