ISIS merr përsipër sulmin kundër
ambasadës së Irakut në Kabul

Grupi i Shtetit Islamik (ISIS) mori përsipër sot në mesditë sulmin kundër ambasadës së Irakut në Kabul, njoftoi Amaq, agjencia propaganduese e organizatës xhihadiste.

Dy nga luftëtarët e ISIS kanë kryer një sulm kundër ndërtesës së ambasadës irakiane në qytetin afgan të Kabulit, pa dhënë më shumë detaje, ndërsa një zyrtar afgan njoftoi median se ambasada u trondit nga disa shpërthime dhe një seri të shtënash me armë dhe me granata, konfirmoi Amaq.

Një kamikaze ka hedhur veten në erë para hyrjes së ambasadës irakiane ndërsa dy agresorë po përpiqeshin të hynin në pjesën e brendshme të godinës”, bëri të ditur ky zyrtar në kushte anonimati.

“Forcat special janë në vendngjarje dhe po evakuojnë banorët”, tha ai.

Ministria e Brendshme konfirmoi për median për shpërthimet pa specifikuar shënjestrën e sulmit.

Ndërkohë shpërthimet e para janë dëgjuar nga banorët e zonës shumë pranë ndërtesës diplomatike rreth orës 11:00 sipas orës lokale, të paktën katër shpërthime, të shtëna me armë dhe granada, bënë të ditur disa qytetarë për median.


Redaksia online
D.M/Shqiptarja.com