Terroristët e ISIS sfidojnë princin britanik Harry për të luftuar xhihadistët. Nëpërmjet një mesazhi video, një burrë i identifikuar si Abu Uqayl nga Singapori, në gjuhën angleze i kërkoi princit që të shkonte në ‘Shtetin Islamik’ dhe të luftonte.
 
“Nëse je burrë, përse nuk vjen këtu dhe të luftosh me ne, që të mund t’ju dërgojmë ty dhe ‘Apache’ tuaj në ferr”- thuhet në video-mesazh nga personi në fjalë.
 
Ky kërcënim ka ardhur pas vizitës së princ Harry-t në Singapor në qershor ku ai foli për sulmet terroriste në Londër, ku tre xhihadistë përdorën një furgon për të përplasur këmbësorët dhe sulmuan me thika njerëzit në rrugë e restorante afër Borough Market.
 
Princi ka shërbyer më parë në Ushtrinë Britanike dhe udhëtoi me avionët ushtarak ‘Apache’ në Afganistan.


dy.b/shqiptarja.com