POP 5

Lajmet më të lexuara të 5 minutave të fundit

Arkiva

ISKSH: 1200 të sëmurë pa barna të izolua

Sipas ISKSH, problemi kryesor në zonat e bllokuara nga bora është mungesa e barnave dhe rimbursimi për të sëmurët kronikë. Për këtë arsye janë ngritur komisione të posaçme për të verifikuar nëpërmjet të dhënave në sistem duke përfshirë edhe mjekun e familjes, dhe që do të identifikojnë çdo të sëmurë kronik që merr recetë me rimbursim në këto zona.
TIRANË - Grupet e ISKSH-së, kanë nisur të inspektojnë zonat e izoluara nga dëbora. Sipas tyre problemi kryesor është mungesa e barnave dhe rimbursimi për të sëmurët kronikë. Për këtë arsye janë ngritur komisione të posaçme për të verifikuar nëpërmjet të dhënave në sistem duke përfshirë edhe mjekun e familjes, dhe që do të identifikojnë çdo të sëmurë kronik që merr recetë me rimbursim në këto zona.
Komisionet do të bëjnë të mundur edhe përpilimin e pakove të sakta me medikamentet mujore të pacientëve kronikë, të cilat më pas do të dërgohen për çdo person nominalisht, nëpërmjet shtabit të emergjencës dhe mjeteve të ushtrisë.
ISKSH theksoi se një lindje e suksesshme u krye në Qendrën Shëndetësore Tamarë, në Komunën Kelmend në prani të mjekut të familjes, i cili arriti të bëjë të mundur një lindje mjaft të vështirë, ndërsa nëna dhe djali i porsalindur gëzojnë shëndet të plotë.

PACIENTËT E BLLOKUAR

Shkodër: 270 pacientë në 4 komuna të bllokuara. Vermosh, Shosh, Shalë dhe Pult. 25% e pacientëve i kanë marrë medikamentet, pjesa tjetër paketohet sot dhe do u niset nëpërmjet shtabit të emergjencës.

Dibër: 263 pacientë në komunat Zerqan, Ostren, Sllov-Kala e Dodes, Fushë Cidhen, Zall Dardhë-Rec, Arras, Muhurr- Selisht, Lurë.

Korçë: 68 pacientë në 3 komuna - Vithkuq, Miras dhe Velçan

Kukës: 700 pacientë – të gjitha komunat Has, Kukës, Tropojë- të bllokuara.

Sipas ISKSH, ky mekanizëm do të funksionojë deri në fund të emergjencës së shkaktuar si pasojë e motit të keq zonat e bllokuara nga dëbora.

(aq/shqiptarja.com)



/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Komandohet drejtuesja, për herë të parë PD e Shkodrës do drejtohet nga një grua

Komandohet drejtuesja, për herë të parë PD e Shkodrës do drejtohet nga një grua

15 Janar, 19:55