POP 5

Lajmet më të lexuara të 5 minutave të fundit

Politikë

Islami-Dogjani: Rama, diversion
me ish-deputetët e PS

Deputeti socialist, tashmë kandidat për PD, Asllan Dogjani, ka reaguar ndaj deklaratës së kryesocialistit Rama, se deputetët “tradhtarë” i bëjnë mesazhe dhe se do të rikthehen tek PS pas 23 qershorit.Nga ana e tij reagon Islami.
Islami-Dogjani: Rama, diversion <br />me ish-deputetët e PS
TIRANE - Deputeti socialist, tashmë kandidat për PD, Asllan Dogjani, ka reaguar ndaj deklaratës së kryesocialistit Rama, se deputetët “tradhtarë” i bëjnë mesazhe dhe se do të rikthehen tek PS pas 23 qershorit. Dogjani thotë se Ramën e ka zënë paniku i humbjes dhe bën diversion.

“Megjithëse nuk kam kohë të merrem me Edi Ramën për shkak të fushatës elektorale, jam i detyruar për të reaguar ndaj intrigave, diversionit, shpifjeve dhe sulmit të tij ndaj meje dhe deputetëve që janë larguar për shkak të tij nga PS. Unë e kam thënë dhe herë të tjera, që kam patur fatin ta njoh nga afër këtë njeri me dy fytyra, që ndryshe flet dhe ndryshe vepron.

Ky njeri me maskë, që për shkak të dëshpërimit dhe panikut që e ka mbërthyer për humbjen e radhës, mundohet të bëj diversion dhe të fitojë me konjuktura e shpifje të ulëta dhe jo me programe e alternativa”, tha Dogjani. Për të cilin me këto deklarata Rama kërkon të largojë vëmendjen e opinionit publik për heqjen nga lista të disa figurave politike e zëvendësimin e tyre me tarafin e lidhjet e tij personale. “Tashmë qytetarët e kanë kuptuar se ky njeri i vogël, pa vizion, ka vetëm një qëllim, pushtetin e tij personal e jo interesat e qytetarëve”, tha Dogjani.

Nga ana e tij reagon Islami. “Kandidati per kryeminister flet sikur të ishte me sklerozë të avancuar për “besnikë qorra e tradhëtare” apo lëshon mashtrime për “telefonata nga të larguarit”, tha Islami. Ai nënvizoi se ndjente turp për këtë spektakël të shëmtuar që detyrohen të shikojnë socialistët që ngjajnë me batutat bajate të një shoferi autobuzi që ka hipur te motori i autobuzit Koçon e të gjithë duken të frikesuar se mos përfundojnë në humnerë

Shkrimi u botua sot në gazetën shqiptarja.com (print) 11.05.2013

Redaksia Online

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Legjendat elektoralo-amerikane të Sali Berishës

Ylli Pata: Legjendat elektoralo-amerikane të Sali Berishës

25 Dhjetor, 20:00 nga Ylli Pata