Në Itali vijon numërimi i fletëve të votimit për zgjedhjet e përgjithshme parlamentare, ndërsa deri tani Lëvizja Pesë Yjet e drejtuar nga Luigi Di Maio ka dalë partia e parë, qendra e djathtë është në rritje duke udhëhequr si koalicion ndërsa PD-ja e Matteo Renzit në rënie. 

Si parti udhëheq ‘Lëvizja Pesë Yjet’ me 32.58%, ndërsa qendra e djathtë e drejtuar nga ish-kryeministri Silvio Berlusconi si koalicion është në avantazh me 37.17%. Koalicioni i drejtuar nga Berlusconi përfshin partinë e tij Forza Italia, partinë anti-emigrantëve Liga dhe partinë e ekstremit të djathtë. Dy fituesit e mëdhenj janë ‘Pesë Yjet’ dhe Liga, kjo e fundit ka marrë madje më shumë vota se partia e ish-kryeministrit Berlusconi, brenda koalicionit të djathtë. 

Në vendin e tretë pozicionohet qendra e majtë e ish-kryeministrit Renzi me 18.07% me rënie drastike. Por kur duhen edhe 1/4 e fletëve të votimit për t’u numëruar, do të jetë shumë e vështirë që ndonjëri nga koalicionet  të qeverisë i vetëm vendin, pa krijimin e një koalicioni më të gjerë, pasi nuk kanë kapur 40% të votave. Renzi ka dhene dorëheqje nga partia pas rezultatit shumë të dobët.

Koalicionet
Qendra e Djathtë kap 37.17%
Pesë Yjet 32.58%
Qendra e Majtë 22.07%

Sipas partive
Pesë Yjet 32.58%
PD 18,7%
Lega 17,5%
Forza Italia 14,2%
Fratelli d’Italia 4,4%
Leu 3,2%
+Europa 2,5%

Piepoli parashikoi fitoren e “5 yjeve”
Roberto Baldasari President i “Institutit Piepoli” një ndër kompaninë lideri të sondazheve në Itali të premten në mbrëmje në një lidhje telefonike me emisionin Repolitix në Report tv parashikoi fitoren e lëvizjes” 5 yjet”.

“Sipas sondazheve të Piepolit” Levizja 5 yjet” pritet të dalë forcë e parë, por jo të marrë aq numra sa për të krijuar qeverinë” u shpreh ndër të tjera Roberto Baldassari për Report tv.

Kujtojmë se deri më tani “Lëvizja 5 yjet” ka 31 % të votave të italianëve duke u rënditur forcë e parë.

d.b/shqiptarja.com