Itali, arrestohet grupi trafikantëve
në pranga dhe 2 shqiptarë

Ndalohet nga policia italiane një trafik intens droge në aksin Pulia-Shqipëri. Guardia di Finanza ka arritur të vërë nën arrest 6 persona, të cilët janë hetuar nga reparti i antimafies së Barit, për trafik droge internacional. Një nga të hetuarit ende nuk është arritur të arrestohet. Në pranga kanë përfunduar Vicenzo Di Pierro, 38 vjec nga Potenca, i cili dyshohet si shefi i grupit kriminal që importonte drogë nga Shqipëria; kunati i tij, 21 vjecari Graziano Lombardi, Carlo Egidio Solazzo, 29 vjec nga Andria, Marco Acquaviva, 27 vjec nga Bishelie dhe dy shtetas shqiptar: Erion Lutaj, 46 vjec nga Vlora dhe Fadil Mecaj, 53 vjec nga Patosi, i arrestuar dhe në mars, sepse drejtonte një kamion me një ngarkesë marijuane. Vihet nën arrest shtëpie edhe gruaja e shefit, e cila ishte arkëtarja e grupit.

Trafiku i drogës i monitoruar gjatë 2 viteve të fundit është i barabartë me rreth 750 kg marijuanë, 442 nga të cilat janë sekuestruar në dy operacione të ndryshme. Për tu përmendur sekuestrimi i sasisë së dytë që u gjet në një kamion të ndaluar në portin e Barit, në operacionin e 8 marsit të shkuar. Droga ishte fshehur në një pjesë të rimorkios së kamionit, i cili ishte pajisur me një kafaz metalik të fshehur nga një pëlhurë. Në kafazin metalik ishte futur, në të gjithë gjatësinë e rimorkios një panel kompensate. Kafazi kishte një lartësi 25 cm dhe ishte i mbuluar me një pëlhurë tjetër me një ngjyrë të ngjashme me atë të parën. Brenda hapsirës, në pjesën e djathtë të kafazit gjendej një pajisje e formuar nga një tub dhe një gremc me një kavo celiku të kapur në mbulesën e rimorkios, mekanizëm ky që lejonte, me anë të një rrotullimi të komanduar nga jashtë, të spostohej sipas kënaqësisë pa dëmtuar sistemin. ah/Shqiptarja.com/