Itali, arrestohet shqiptari i arratisur, i dënuar për vrasje në tentativë që përdorte 7 identitete

Karabinieria italiane ka arrestuar shqiptarin Leonard Kote, 54 vjeç nga qyteti i Elbasanit, i dënuar nga Gjykata e Bergamos, në Itali në vitin 2002 me 12 vjet burg për posedim armësh dhe krimin e vrasjes së mbetur në tentativë, teksa më 15 shkurt të vitit 1997 pas një zënke me një bashkatdhetar të tij në sallën e lojrave Bowling në Mozzo, kishte tentuar ta qëllonte me pistoletë.

Ai u lokalizua nga forcat e njësisë hetimore të karabinierisë së Bergamos në vazhdën e hetimeve që synonin kontrollimin dhe kapjen e të arratisurve.

Falë bashkëpunimit të Shërbimit të Bashkëpunimit Policor Ndërkombëtar dhe autoriteteve policore në Tiranë, ai iu nënshtrua arrestimi të përkohshëm për tu ekstraduar më pas nga policia shqiptare.

I arrestuari, në arresët shtëpie që nga viti 2013, ndër vite kishte krijuar 7 identitete fiktive për t’i shpëtuar kapjes. I burgosur më parë edhe në Shqipëri, pas ekstradimit Leonard Kote do të duhet të shlyej dënimin e mbetur.

TAG:
• policia italiane
• itali
• shqiperi
• leonard kote