Policia italiane ka arrestuar mëngjesin e sotëm gjashtë persona, pasi akuzohen për trafikimin e 250 kg kanabis dhe 500 gr kokainë gjatë verës nga brigjet shqiptare në Salento.
Sipas mediave italiane lënda narkotike, kanabis dhe kokainë u trafikua me gomone në korrik të këtij viti nga Shqipëria. Kanabisi ishte fshehur në brendësi të tubave të gomones, ndërsa ishte e parfumosur me aromë për t'i shpëtuar nuhatjes së qenve antidrogë.
Në muajt fundit janë bllokuar disa gomone me kanabis në Itali, që vinin nga Shqipëria, ndërsa sipas italianëve nga fillimi i vitit 2018 janë arrestuar mbi 40 trafikantë dhe janë sekuestruar më shumë se 16 ton kanabis në 18 gomone.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)