POP 5

Lajmet më të lexuara të 5 minutave të fundit

Bota

Itali/ Do trafikonin 2 kg kokainë, arrestohen shqiptari dhe italiani! U sekuestrohen edhe hashash e valutë

Operacioni "Granturismo 2023” i nisur që në qershorin e kaluar, ka prangosur 10 persona, mes tyre edhe shumë shqiptarë. Dy të arrestuarit me precedentë, rezidentë edhe në Angli. Më herët ishte kapur edhe një tjetër shqiptar me mbi 50 doza kokainë

Itali/ Do trafikonin 2 kg kokainë, arrestohen shqiptari dhe italiani! U sekuestrohen edhe hashash e valutë

Kokaina dhe sendet e sekuestruara nga policia italiane

VARESE- Policia e Varese arrestoi dy persona të tjerë të akuzuar për drogë, mes tyre edhe një shqiptar 26-vjeçar, teksa më herët kishte kapur edhe një bashkëatdhetar tjetër të tij.

I ndaluari shqiptar me inicialet M.R., u prangos bashkë me një 24-vjeçar italian, të dy me precedentë penalë dhe banues në Angli. Ata akuzohen për posedim me qëllim shitjen e rreth 2 kilogramëve dhe 100 gram hashash.

Në Varese agjentët Antidrogë po zhvillojnë një operacion me shkallë të gjerë për pastrimin e qytetit nga shpërndarësit e drogës, që janë kthyer në shqetësim. 

Oficerët ndoqën një mjet të dyshuar ku hipi dhe shqiptari 26-vjeçar. Pas kontrollit fizik, në një kuti metalike të fshehur mirë u zbuluan fillimisht dhjetëra doza kokaine dhe para cash, të ardhura nga trafiku i drogës, informon media italiane.

Nga kontrollet e mëpasshme të shtëpive u gjetën afërsisht 2 kilogramë kokainë, pjesa më e madhe e së cilës ende nuk ishte ndarë ende në doza, telefona dhe dokumente të ndryshme që vërtetojnë aktivitetin e trafikut të drogës.

Më parë ishte kapur një tjetër shqiptar, të cilit iu zbuluan mbi 50 doza kokaine dhe para cash. Operacioni në këtë rajon është koduar “Granturismo 2023 ”, i cili ka nisur që qershorin e kaluar dhe ka 10 të arrestuar deri tani.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

‘Djathtas 1912’ për propozimin e ndryshimeve për tatimin mbi të ardhurat: Abuzime i mazhorancës afër 11 Majit, i shërben dhe favorizon një grup të vogël interesi

‘Djathtas 1912’ për propozimin e ndryshimeve për tatimin mbi të ardhurat: Abuzime i mazhorancës afër 11 Majit, i shërben dhe favorizon një grup të vogël interesi

22 Janar, 20:04