Itali, drama e Flamurit, humbi
gruan e vajzat, 1 dhe 8 vjeçe

XHENOVA- Rastësisht është gjetur me trupin e vdekur të Janisës vetëm 1 vjeçe në krah. Flamur Djala ndodhej në rrugën Ferexhiano kur një punonjës i ekipit të shpëtimit i kishte dhënë në dorë trupin e vogëlushes, pa ditur se ai ishte babai i vogëlushes, për të vazhduar përpjeket e tij për të shpëtuar Shpresën, bashkëshorten e tij

Kjo është historia tragjike e familjes së Flamur Djalës i cila dje, humbi bashkëshorten 28 vjeçares Shpresa Djala, vajzën 1 vjece Janisa, dhe vajzën e madhe, 8 vjeçe, Xhoia. Ata ishin 3 prej 7 viktimave të lumejve të baltës që përfshinë dje çdo rrugë dhe shesh të qytetit italian të Xhenovas.

E reja u gjet e mbytur,së bashku me vogëlushen 1 vjece, Janisa Djala dhe vajzën tjetër 8 vjece Xhoia. Ata kishin qenë në  një cep të rrugës, kur kanë vërshuar ujrat.  Gruaja është përpjekur të mbrohej në një holl të një ndërtese, por gjejnë vdekjen. Së bashku me ta gjejnë vdekjen edhe 2 gra italiane, Maria Chiaramonte, 40 vjece e cila jetonte në atë ndërtesë, dhe Evelina Pietranera, 50 vjeçe.  

Flamur Djala, shqiptari 40 vjeçar ka mësuar historinë e dramës së tij familjare nga njëri prej miqve të tij më të mirë, Tomaso Martino, 38 vjec, me të cilin kishin shkuar në morgun e San Martino të Xhenovas për të identifikuar viktimat.

SI U GJETEN TRUPAT
Flamuri ndodhej në rrugën Ferexhiano, kur njëri nga punonjësit e ekipit të shpëtimit sapo ishte hedhur në lumin me baltë që kishte mbuluar rrugën në tentativë për të shpëtuar bashkëshorten e tij. Në një moment është shfaqur me trupin e vogëlushes në dorë dhe ia ka dhënë Flamurit pa ditur se ai ishte babai i vogëlushes, për të vazhduar përpjeket e tij për të shpëtuar gruan 28 vjecare.
(s.g/shqiptarja.com)