POP 5

Lajmet më të lexuara të 5 minutave të fundit

Bota

Itali/ Flasin familjarët e 14-vjeçares shqiptare që ra nga kati i shtatë: E hodhi i dashuri, ishte viktimë e dhunës

Detaje të reja kanë dalë në dritë lidhur me 14-vjeçaren shqiptare në Itali, e cila humbi jetën mëngjesin e 25 tetorit, pasi ra nga tarraca e një papafingoje në katin e shtatë të një pallati. Është vënë në hetim i dashuri i saj 15-vjeçar, po ashtu me origjinë shqiptare.

Itali/ Flasin familjarët e 14-vjeçares shqiptare që ra nga kati i shtatë: E hodhi i dashuri, ishte viktimë e dhunës

Vendngjarja dhe e mitura shqiptare me të dashurin e saj

ITALI - Detaje të reja kanë dalë në dritë lidhur me 14-vjeçaren shqiptare në Itali, e cila humbi jetën mëngjesin e 25 tetorit, pasi ra nga tarraca e një papafingoje në katin e shtatë të një pallati.

Media italine “Rai News”, njofton se është vënë nën hetim i dashuri i 14-vjeçares, I cili është një 15-vjeçar po ashtu me origjinë shqiptare.

Prokuroria ka në fokus të hetimeve skenarin e vrasjes me dashje. Sipas informacioneve, i dashuri 15-vjeçari kishte qenë me të ndjerën deri pak para se ajo të humbte jetën.

Sipas medias italiane, autoritetet dyshojnë se vdekja e të miturës mund të ketë lidhje me ndonjë zënkë në lidhjen dashurore mes 14-vjeçares dhe 15-vjeçarit.

Ditën e ngjarjes, adoleshenti mbajt deri natën në rajon, ku u mor në pyetje nga hetuesit e njësisë hetimore të Piacenza-s të koordinuar nga kreu i prokurorisë së Piacenzës, Grazia Pradella, dhe nga një prokuror i prokurorisë për të miturit që mbërritën pasditen e djeshme nga Bolonja.

Para hetuesisë, djali ka thënë se vetëvrasja duke u hedhur nga kati i 7, ishte vendim i 14-vjeçares, dhe se kjo nuk kishte të bënte me të apo lidhjen mes tyre.

Miqtë e të ndjerës, të intervistuar nga gazeta Piacenza, pohojnë se kohëve të fundit, lidhja mes 14-vjeçares dhe 15-vjeçare nuk dukej në gjendje të mirë.

Ndërsa motra 22-vjeçare e viktimës nuk e beson versionin e vetëvrasjes.

"Ai e hodhi poshtë, ajo nuk ishte e çmendur apo e dëshpëruar, ajo ishte një viktimë tjetër e dhunës. Ai ishte i fiksuar pas saj, ajo u përpoq në çdo mënyrë ta largonte”,-shprehet ajo.

Hetimet kanë për qëllim "qartësimin e dinamikës dhe lëvizjeve të të miturit në orët para rënies si dhe vlerësimin e përfshirjes së mundshme të bashkëmoshatarëve". Kjo është saktësuar nga Prokuroria për të miturit, me prokuror Giuseppe Di Giorgio.

E mitura shqiptare, identiteti i të cilës nuk është bërë publik, humbi jetën mëngjesin e 25 tetorit në rrugën 'IV Novembre', Piacenza, pasi ra nga tarraca e një papafingoje në katin e shtatë të një pallati.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57