POP 5

Lajmet më të lexuara të 5 minutave të fundit

Politikë

Itali, edhe Berluskoni: I sigurt
se Rama do sjellë frymë të re

Partia Socialiste zbardhi sot takimet e zhvilluara dje gjatë vizitës në Itali ndër të tjera dhe me Kryeministrin italian Enrico Letta. Berluskoni për Ramën: “Pata kënaqësinë e madhe të pres këtu kryeministrin që e admiroj prej kohësh" (Ne foto: Rama gjatë takimit me Berluskonin)
Intervista e Edi Ramës në BBC ditën e djeshme
Itali, edhe Berluskoni: I sigurt<br />se Rama do sjellë frymë të re
ITALI - Partia Socialiste zbardhi sot takimet e zhvilluara dje mes Kryeministrit të ardhshëm Edi Rama dhe kryeministrit italian si dhe përfaqësuesve të lartë të qeverisë italiane, por dhe me ish-kryeministrat Silvio Berluskoni, Massimo D'Alema dhe Guliano Amato.

Tema e bisedës ndërmjet Kryeministrit të zgjedhur Rama dhe Kryeministrit italian Letta ishin forcimi i bashkëpunimit mes dy vendeve, nxitja e investimeve italiane në Shqipëri krahas mbështetjes që vendi fqinj do i japë kërkesës së Shqipërisë për t’u anëtarësuar në Bashkimin Europian.

Pas takimit me kreun e ekzekutivit italian Letta, Kryeministri i zgjedhur pati një takim të veçantë me ministren e Jashtme, Bonino dhe ish-kryeministrat italianë.
Berlusconi, ish-kryeministrin Amato dhe ish-kryeministrin D'Alema.

Vetë Rama, pas këtyre takimeve, tha:  “Fondacioni italian Europei është një stacion i pashmangshëm për mua, për ne, socialistët shqiptarë ku gjejmë gjithmonë derën e hapur dhe dy miq të mëdhenj të Shqipërisë Masimo D’Alemën dhe Giuliano Amaton me të cilët kemi folur për të ardhmen, për ndihmën që kërkojmë, për eksperiencën që mund të na vënë në dispozicion dhe për burimet njerëzore të paçmueshme që mund të gjejmë falë tyre në mënyrë që jo thjesht marrëdhëniet mes Shqipërisë dhe Italisë të shkojnë një hap më tutje por që qeverisja jonë, që politikat tona, që sidomos hapja e një perspektive të re për investimet italiane në Shqipëri të kthehen brenda katër viteve të ardhshme në një realitet të ri shqiptar.”
rama berlusconi
(Në foto Rama me Berlusconin gjatë vizitës së tij në Itali)

ÇFARE THANE BONINO, BERLUSKONI, D'ALEMA DHE AMATO

SILVIO BERLUSCONI:
Ish-Kryeministër, Silvio Berlusconi: “Pata kënaqësinë e madhe të pres këtu kryeministrin, që e admiroj prej kohësh, duke pasur mundësi ta njoh që në të kaluarën. Jam i sigurt që do sjellë për Shqipërinë një frymë të re, një frymë hapjeje drejt së ardhmes bashkë edhe me një mbështetje nga ana e Italisë, që gjithmonë e ka parë Shqipërinë si një vend mik, ku dimë janë mjaft qytetarë që flasin italisht dhe ku do na pëlqente që mjaft sipërmarrje tonat të kishin selinë e tyre. Në këtë bisedë kemi vendosur mundësinë e bashkëpunimit të drejtpërdrejtë. Tashmë do nisim të procedojmë në mënyrë të tillë, që të bëhen konkrete dhe që të mund të amplifikohen vërtet këto raporte bashkëpunimi dhe miqësie.”

MINISTRJA EMMA BONINO
Ministre e Jashtme e Italisë, Emma Bonino: “Jam shumë e kënaqur që pata këtë mundësi të shoh mikun tim Edi Rama në këtë detyrë të re. Njihemi në ulje ngritjet e politikës prej shumë vitesh dhe besoj që së bashku mund të vendosim themelet e një fillimi të ri, një fillimi të ri jo të miqësisë mes vendeve tona, por një fillim të ri mendoj për Shqipërinë, në rrugën e saj drejt Europës. E, besoj ndihma se Italisë mund të jetë vërtetë frytdhënëse, si për ne ashtu edhe për shqiptarët. Një rinisje e vërtetë për ne në një rrugë të vështirë, po me shumë shpresa.”

MASSIMO D'ALEMA:
Ish-Kryeministër dhe President i Fondacionit “Italiani Europei”, Massimo D'Alema: “Jemi shumë të nderuar që Kryeministri i ri i Shqipërisë në pritje të marrjes së detyrës së tij ka vendosur për të bërë këtu udhëtimin e tij të parë të rëndësishëm jashtë kufijve. Këtu, për të takuar miq. Miq, të cilët prej shumë vitesh kanë pasur fatin të punojnë me të, me Shqipërinë dhe që përshëndesin suksesin elektoral të Edi Ramës dhe të socialistëve si një kthesë të madhe që e afron Shqipërinë me Europën dhe që hap një perspektivë mjaft më të përshpejtuar në bashkëpunim edhe me Italinë.  Do të zhvillohet një takim me Kryeministrin, i cili me shume interes ka ftuar Edi Ramën, për të diskutuar edhe që kjo vizitë të hedhë bazat e një bashkëpunimi të nevojshëm për të dy vendet.

GIULIANO AMATO:
Ish-Kryeministri, Giuliano Amato: “I bashkohem atyre çka sapo tha Masimo D’Alema, duke shprehur kënaqësinë që kemi këtu kryeministrin e ri të Shqipërisë, një mik i hershëm, që unë e vlerësoj prej shumë kohësh, dhe që duke punuar me Shqipërinë tashmë prej 10 vjetësh kujtoj si risia që i ndryshoi fytyrën e kryeqytetit të vendit tuaj, si kryetar i bashkisë së Tiranës, që nuk bëri vetëm ngjyrat e shumta, por edhe më shumë se kaq. Kapaciteti i tij i madh, kultura e tij inovative më në fund është në shërbim të të gjithë vendit, dhe është përfaqësuese e të gjithë forcave politike reformatore shqiptare. Kjo është e ardhmja, dhe e ardhmja është Edi Rama.”

rama letta
(Foto:Rama ne takim me Enrico Letta)

D

(Foto: Me Kryeministrat D'Alema e Amato për mbështetjen teknike të Fondacionit Italianieuropei)

Redaksia online
(sg/ar.sh/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça