Itali/ Fqinjët rrëfejnë si e mësuan tragjedinë në familjen shqiptare: Dëgjuam të bërtiturat për 20 minuta, na dhimbte shpirti! Vera, grua e shkëlqyer

ITALI - Fqinjët kanë përshkruar mbrëmjen kur u vra 37-vjeçarja Vera Myrtaj (Mynevere Karabollaj) dhe i dashuri i saj 23 vjeç Flonino Mërkuri në banesën ku jetonin në Itali. Ata thonë se dëgjuan të bërtitura të mëdha dhe më pas panë makinat e policisë.  

“Britmat na thyen zemrat...”, rrëfyen ata. Bruno, komshiu i moshuar i çiftit të vrarë nuk kursen fjalët për nënën e re.

“E njihja mirë. Ajo nuk ishte thjesht një person i mirë, ishte një grua e shkëlqyer. Punëtore dhe nënë fanstastike. Ajo ishte gjithashtu shoqe e ngushtë me gruan time të ndjerë. Mynevere fitoi jetesën e saj si estetiste në shtëpi, duke bërë manikyr dhe pedikyr. Unë kisha një problem me një gozhdë dhe ajo më ndihmoi”, tha Bruno.

LEXO EDHE:
Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Të gjithë banorët në Spinea janë të tronditur nga ngjarja e rëndë. Vera dhe Flonino ishin njerëz që nuk dilnin shpesh, por të gjithë i njihnin dhe e dinin që ishin bashkë.

“Jemi të shokuar” – shpjegon një banor që jeton në fund të rrugës.

“I kam parë gjithmonë në rrugë, ajo ishte vërtet një person i mirë. Ish-burrin e saj e kam njohur, ai ka jetuar këtu deri para disa vitesh. Nuk e kisha imagjinuar kurrë një gjë të tillë. Nuk e di nëse ka lidhje edhe xhelozia, por si mund të arrish deri në këtë pikë?” – tha një zonjë që punonte pranë shtëpisë së tyre.

“Fillimisht pashë makinat e karabinierëve, më pas dëgjova të bërtiturat. Më dhimbte zemra. Mendoj se ishin familjarët e viktimave, duhet të kenë bërtitur për gjysmë ore. Po dridhesha. Por ne nuk e kuptuam se çfarë kishte ndodhur, vetëm pasi u shfaq policia”, tha një tjetër banor.

Pas krimit të dyfishtë, ish bashkëshorti i saj, Viron Karabollaj, 40 vjeç, i cili është autori i ngjarjes, vrau veten dhe u gjet i vdekur në kasollen e kompanisë ku punonte. Gjithçka ndodhi në banesën ku jetonte më parë Vironi, por pas ndarjes rreth 3 vite më parë, Vera qëndronte vetëm me dy vajzat e saj 15 dhe 13 vjeçe derisa u njoh me 23-vjeçarin. Prej 1 viti e gjysmë, pjesë e familjes ishte bërë dhe i dashuri i saj Flonino, xhelozia për të cilin dyshohet se ka shtyrë ish burrin të kryejë krimin.

Ajo punonte si estetiste në shtëpi që dy vajzave të mos i mungonin asgjë. Ajo dhe ish-burri kishin marrë shtëpinë në Spinea dhe ndër vite investuan mijëra euro për ta përshtatur me nevojat e vajzës së tyre më të vogël 13-vjeçare, me aftësi të kufizuara në karrocë.

Rendit zhvillimet sipas orarit:

Të Fundit Të Parat

/r.k./Shqiptarja.com

TAG:
• itali
• vera myrtaj
• Mynevere Karabollaj
• Flonino Merkuri