POP 5

Lajmet më të lexuara të 5 minutave të fundit

Kronikë

Ish-efektivja shqiptare kapet me kokainë në Itali, Policia: U largua në 2017-ën pasi nuk u pajis me certifikatë sigurie (VIDEO)

Filloreta Zanaj 29-vjeçare, sipas një reagimi zyrtar të Policisë së Shtetit shqiptar, nuk është më pjesë e uniformave blu që prej vitit 2017. Asaj iu gjetën 38 gramë kokainë fshehur në makinën ‘Renault Clio Sw’ ku udhëtonte me një tjetër shqiptar, 29-vjeçar. Ka qenë efektive në Policinë e Vlorës, prej 2017 është larguar nga radhët e uniformave blu pasi nuk fitoi të drejtën për t'u pajisur me certifikatë sigurie

Një ish-efektive e policisë shqiptare u arrestua nga autoritetet italiane pasi u kap së bashku me një shqiptar tjetër, me 38 gramë kokainë dhe tashmë ndodhet në masë sigurimi personal "detyrim paraqitje" vendosur nga gjykata.

Filloreta Zanaj 29-vjeçare, sipas një reagimi zyrtar të Policisë së Shtetit shqiptar, nuk është më pjesë e uniformave blu që prej vitit 2017. "Ajo ka qenë efektive në Policinë e Vlorës dhe në vitin 2017 është larguar nga Policia e Shtetit pasi nuk fitoi të drejtën për t'u pajisur me certifikatë sigurie", njofton zyrtarisht policia.

"Policia e Shtetit ka shkëmbyer informacion në kohë reale me homologët e Karabinierisë në Milano, nëpërmjet Oficerit Ndërlidhës në Bari për rastin në fjalë. Policia e Shtetit është e vendosur për të bashkëpunuar ngushtësisht me partnerët me qëllim evidentimin dhe goditjen e elementëve kriminal që ushtrojnë veprimtari kriminale", thuhet në reagimin e Policisë së Shtetit.

Sipas mediave italiane, 29-vjeçarja, Filloreta Zanaj, është rezidente në Itali, në komunën Garbagnate në provincën e Milanos.

Mediat e shtetit fqinj shkruajnë se fillimisht ish-efektivja është ndaluar nga karabinierët për kontroll dokumentesh, por disa lëvizje të dyshimta te saj kanë bërë që asaj t'i ushtrohet një kontroll më imtësishëm i automjetit ‘Renault Clio Sw’ ku ajo udhëtonte.  Gjithashtu mësohet se ne momentin e ndalimit  ka qenë nën shoqërinë edhe të një personi tjetër, një 29-vjeçar me vendbanim në Arese.

Përballë pyetjeve të karabinierëve, dy shqiptarët fillimisht u përgjigjën normalisht, por qëndrimi i tyre i dyshimtë dhe i kujdesshëm i shtyu karabinierët që të kontrollonin dokumentet e tyre dhe makinën, duke zbuluar kokainën e fshehur, 38 gram e ndarë në 76 doza të mbështjella me letër alumini si dhe 1.430 euro, të konsideruara nga hetuesit si të ardhura nga veprimtaria e paligjshme e shitjes së drogës. Droga dhe shuma e konsiderueshme e eurove mbaheshin në një qese të fshehur në një ndarje në kroskotin e automjetit.

Dy të arrestuarit u dërguan në stacionin e policisë, ku kaluan natën në dhomat e sigurisë. Më pas ata u gjykuan nga një gjykatë në Milano e cila vendosi që 29-vjeçari të qëndronte në arrest shtëpie kurse inspektorja e policisë iu nënshtrua detyrimit për paraqitje në policinë gjyqësore.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Valonese: 03/02/2020 19:18

    Ajo te pakten qenka larguar. Pa te shofesh ne vlor ca llumishte qe behen legena per ra pir dhe jan polica civila (in borgese) ca me mjeker. Mjer populli

    Përgjigju
  • tani: 01/02/2020 19:35

    Ja cdo te thote te kesh nje polici te pastert e te luftosh cdo dite te largosh larvat e pisllekut nga trupi.Bravo policia

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kapet një sasi e madhe e armëve të ftohta në Prishtinë

Kapet një sasi e madhe e armëve të ftohta në Prishtinë

23 Dhjetor, 09:44