Itali/ U gjend i pajetë në makinë, kush ishte i riu shqiptar që la pas gruan shtatzënë dhe një fëmijë?

ITALI- Alfons Kaja, i riu 33-vjeçar u gjet i vdekur në makinën e tij ditën e djeshme, teksa po shkonte në punë. Dyshohet se shkak ka qenë një atak kardiak, por familjarët kanë ngritur pretendime për neglizhencë nga spitali. Sipas dëshmisë së familjarëve, 33-vjeçari vetëm një ditë më parë kishte shkuar në urgjencë, por më pas doli nga spitali. Mediet italiane kanë dhënë me detaje lidhur me këtë ngjarje, e cila ka hije dyshimi brenda.

Në mbrëmje, shqiptari ishte në urgjencë, pasi nuk ishte ndjerë mirë dhe më pas, spitali e nxori me argumentin se kishte qenë një shqetësim i momentit. Në mëngjes, u zgjua, mori makinën, pësoi atak kardiak dhe vdiq. Ka me origjinë shqiptare, ka jetuar në Itali që nga viti 2007, në San Severino. Ai lë pas gruan e tij, Ada shtatzënë tre muajsh dhe një fëmijë vetëm 2 vjeç e gjysmë. 33-vjeçari punonte si transportues dhe në momentin që pësoi atak ishte duke shkuar në punë. Kanë qenë shoferët e tjerë në rrugë që kanë lajmëruar ambulancën, por ishte tepër vonë.


Pas pretendimeve të familjarëve se kjo mund të shmangej, zëvendës prokurori Claudio Rastrelli ka nisur hetimet, ku do t'i bëhet autopsia që do të ndihmojë në zbardhjen e plotë të ngjarjes. Megjithatë, mediet shkruajnë se hetimet do shtrihen edhe për spitalin, duke qenë se një ditë më parë kishte qenë i shtruar.

B.K./Shqiptarja.com
Komento

Komente

  • Artina: 22/05/2019 18:01

    Normal qe ne si familjar kerkojm shpkegime se ka qen ne spital dhe me e cu ne shpi he se nuk ke gjo Ai skisht shku kot nspital Tishte ai mkek i zoti ishte mes nesh Daj u prefsh npaqe e pac drit djelli e nat bot kujtimi jot per ne do jet i paharruar

    Përgjigju