POP 5

Lajmet më të lexuara të 5 minutave të fundit

Bota

Itali/ ‘Mbajti peng emigrantët në det’ prokuroria e Palermos kërkon 6 vite për burg për Salvinin! Meloni i del në mbrojtje: Të mbrosh vendin s'është krim

Zëvendëskryeministri i Italisë Matteo Salvini, rrezikon 6 vite burg, pasi Prokuroria e Palermos thotë se ai është përgjegjës për mbajtjen peng të 147 emigrantëve në bordin e anijes spanjolle ‘Open Arms’, pasi ishin të paligjshëm.

Itali/ ‘Mbajti peng emigrantët në det’ prokuroria e Palermos kërkon 6 vite për burg për Salvinin! Meloni i del në mbrojtje: Të mbrosh vendin s'është krim

Mateo Salvini

Në fund të një seance 7-orëshe, prokurorët e Palermos kërkuan që Matteo Salvini të dënohej me 6 vjet burg për pengimin e zbarkimit në Lampedusa të 147 emigrantëve, pesë vjet më parë, kur ai ishte Ministër i Brendshëm në qeverinë Conte, i akuzuar se i ka mbajtur peng në bordin e anijes spanjolle Open Arms, pasi ishin të paligjshëm.

“Salvini ishte i vetëdijshëm për paligjshmërinë e veprimeve të tij. Ato pozicione të tij të paprecedentë krijuan kaos të vërtetë institucional.

Ai kishte detyrim të krijonte një port të sigurt dhe nuk e bëri. Kjo situatë detyroi institucionet e tjera të përfshira të përgatisin zgjidhje të improvizuara pasi sigurisht që nuk mund të përballonin t’i linin ata të humbur pa tokë”, shtuan prokurorët.

Janë shumë të ashpra fjalët e zv.prokurores Marza Sabella, e cila ka ngritur aktakuzën me kolegët zëvendësues Geri Ferrara dhe Giorgia Righi: “Ne do t’i lexonim emrat e këtyre personave njëri pas tjetrit për t’i kujtuar në individualitetin e tyre, sepse edhe për secilin prej këtyre personave kërkojmë dënimin e të akuzuarve, si dhe mbrojtjen e kufijve të ligjit”.

Reagoi menjëherë me ironi Salvini, zëvendëskryeministër i Italisë: “Shpall veten fajtor se kam mbrojtur Italinë dhe italianët, deklarohem fajtor se kam mbajtur fjalën”.

Ai shtoi me tej: “Asnjë qeveri dhe asnjëherë asnjë ministër në histori nuk është akuzuar dhe gjykuar se ka mbrojtur kufijtë e vendit të tij”.

Salvini mori menjëherë solidaritetin nga kryeministrja Giorgia Meloni, e cila është në koalicion me të. “Të shndërrosh detyrën për të mbrojtur kufijtë italianë nga imigracioni i paligjshëm në një krim është një precedent shumë i rëndë. Solidariteti im i plotë me ministrin Salvini. Gjashtë vjet burg për bllokimin e zbarkimeve dhe mbrojtjen e Italisë dhe italianëve? Marrëzi. Të mbrosh Italinë nuk është krim dhe nuk do të dorëzohem as tani e as kurrë”.

Pikërisht sipas prokurorëve të Palermos, Salvini ka vepruar në vitin 2019 jo për një strategji të rënë dakord me qeverinë Conte, siç pretendon mbrojtja, por nga interesi për të rritur mbështetjen e tij elektorale duke nxitur luftën kundër imigracionit të paligjshëm. Sipas prokurorisë, në bordin e anijes nuk kishte rrezik për terrorizëm dhe për këtë arsye nuk kishte nevojë të mbrohej sovraniteti i shtetit, për më tepër, kushtet e emigrantëve për shkak të atij veprimi u përkeqësuan dita-ditës, shkruan Ansa.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Muci: 15/09/2024 11:28

    Te Mbrosh Dhe Te Duash Vendin Tend Eshte Krenari Dhe Dashuri Po Te Leshe Njerzit Ne Mese Te Detit Eshte Krim

    Përgjigju
  • Iris: 15/09/2024 02:06

    Te ndalosh emigrantet na qenka mbrojtje e atdheut,po t'ua lesh te tjereve,cfare quhet moj /Bitter Melon/?!

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

New York Times: Votoni kundër Trump, ai është një rrezik për demokracinë

New York Times: Votoni kundër Trump, ai është një rrezik për demokracinë

2 Nëntor, 20:15