POP 5

Lajmet më të lexuara të 5 minutave të fundit

Bota

EMRI/ Mori makinë me qira për të trafikuar kokainë, nervozizmi tradhton 29-vjeçarin shqiptar në Itali! Arrestohet me 100 doza dhe euro cash

Operacioni në Ankona, karabinierët vunë re se shqiptari që ishte prej një muaji rezident në zonë, bënte lëvizje të dyshimta pranë një karburanti. Droga në katër pako, iu gjetën dhe 1660 euro

EMRI/ Mori makinë me qira për të trafikuar kokainë, nervozizmi tradhton 29-vjeçarin shqiptar në Itali! Arrestohet me 100 doza dhe euro cash

Kokaina dhe eurot e sekuestruara nga karabinierët e Tolentino

Ankona- Prej një muaji kishte shkuar në Itali dhe menjëherë u përfshi në biznesin ilegal të shitjes së lëndëve narkotike, kryesisht kokainë.

Një 29-vjeçar shqiptar i identidikuar si Afrim Ibra, u arrestua mbrëmë (11 Shtator) nga skuadrat e karabinierëve të Tolentino-s në Ankona, teksa për të kryer aktivitetin e tij kishte marrë dhe një makinë me qira, me qëllim që të dërgonte mallin tek përdoruesit.

Operacioni u finalizua rreth orës 23:00, teksa karabinierët vunë re lëvizjet e çuditshme dhe nervozizmin e të riut. Teksa iu afruan, pikasën se ai shtyu poshtë sediles me këmbë dy qese ambalazhi me celofan. Në to kishte mbishkrime 100 dhe 53. Nga kontrolli u gjetën katër pako me nga 25 doza kokainë secila, shkruan “Ilrestodelcarlino”.

Nga peshimi rezultoi se secila prej dozave kishte diçka më shumë se gjysmë grami drogë, pra në total u sekuestruan 55 gramë. Ndërhyrja e policisë u bë pranë një karburanti të zonës, ku i dyshuari kishte qëndruar dhe dukej se po priste blerësin e radhës.

Nga kontrolli fizik shqiptarit, iu gjetën edhe 1660 euro cash, në prerje të ndryshme, që dyshohen si të ardhura nga aktiviteti i paligjshëm.

Shqiptari u arrestua në flagrancë dhe izolua në paraburgimin e Montacuto, në pritje të seancës gjyqësore për masë sigurie.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

27 Janar, 20:22