POP 5

Lajmet më të lexuara të 5 minutave të fundit

Arkiva

Itali, qeveria e re, Monti
u kërkon kohë tregjeve

Ish-komisioneri evropian, Mario Monti, i ngarkuar nga presidenti Napolitano me krijimin e një qeverie të re, rifilloi sot konsultimet me partitë kryesore politike për krijimin e ekzekutivit të ri.
Itali, qeveria e re, Monti <br />u kërkon kohë tregjeve
ROME- Ish-komisioneri evropian, Mario Monti, i ngarkuar nga presidenti Napolitano me krijimin e një qeverie të re, u kërkoi kohë tregjeve për rimëkëmbjen e situatës në Itali, e rrezikuar të asfiksohet nga pesha e borxhit.

"Nuk e mohoj rëndësinë e tregjeve, por jemi në demokraci dhe nevojiten afate të përcaktuara mirë", deklaroi Monti gjatë një konference shtypi, lidhur me konsultimet politike që ka filluar sot. Ai u shpreh "i sigurt se tregjet do të jenë të duruar dhe do ta kuptojnë".

Monti ka filluar konsultimet, për krijimin e ekzekutivit të ri, me delegacionin e Partisë Demokrate (PD), lëvizja kryesore e të majtës italiane, që përfaqësohej nga lideri i saj, Pier Luigi Bersani, dhe me kryetarët e zgjedhur të të dy dhomave të parlamentit, Anna Finocchiaro dhe Dario Franceschini.

Drejtuesit e Popullit të Lirisë (PDL), partia e Silvio Berluskonit, do të takohen më pas me Montin që do të përfundojë me ta konsultimet politike.

Monti kërkon të përfshijë partitë kryesore politike italiane në krijimin e qeverisë, ku uron të shikojë të marrin pjesë edhe politikanë dhe jo vetëm teknicienë, me qëllim që të ketë një mbështetje më të fortë në parlament.

Ish-komisioneri do t'i përfundojë konsultimet pasdite, pasi të presë edhe përfaqësues të pronarëve, të sindikatave, të të rinjve dhe grave.

Ai do të shkojë më pas tek presidenti i Republikës, Giorgio Napolitano për të pranuar zyrtarisht drejtimin e qeverisë së re, përpara se t'i paraqesë këtij të fundit, në mbrëmje ose të mërkurën, listën e ministrave të tij.

68 vjeçari Monti e ka kritikuar hapur mungesën e politikës për zhvillim të qeverisë së Berslukonit, e cila është përgjegjëse për krizën aktuale dhe për moskryerjen e reformave bazë: "Ne nuk kemi para, sepse nuk kemi patur politikë për zhvillimin ekonomik, sepse të ardhurat e shtetit ushqehen edhe me rritjen ekonomike, duke shtuar në këtë mënyrë të ardhurat nga taksat. Mosndjekja e programeve për zhvillimin ekonomik ka qenë një gabim i madh strategjik. Kjo ndihet tani në buxhetin e shtetit duke penguar edhe uljen e taksave."
(s.g/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04