Itali, sekuestrohen 119 kg drogë
transportohej nga Shqipëria

Rreth 119 kg drogë e cila vinte nga Shqipëria është sekuestruar nga policia italiane këtë të shtunë në ujrat pulieze, shkruajnë mediat italiane.

Droga e cila ishte destinuar për tregun e Leces po transportohej nga një peshkatar 51 vjeçar në një barkë 6 metra të gjatë  e cila kish dalë shumë larg  bregut.

Pikërisht kjo dalje në territor i kishte shtyrë autoritetet  të ndalonin 51 vjeçarin dhe të nisnin kontrollin  dhe të ndienin erën e lëndës narkotike llojit marihuanë e cila ishte e ndarë në pako .

Hetimet janë ende  në vijim për të sqaruar nëse  transportuesi  është shtyrë me varkën e tij deri në brigjet e kundërta pulieze apo nëse ngarkesa ishte transportuar  nga blerësit deri në limitin e ujërave italiane. 

Po ashtu po hetohet nëse 51 vjeçari ishte  blerës apo thjesht një transportues pjesë e një rrjeti trafikantësh.