ITALI- Një bandë e cila akuzohet për një sërë grabitjesh në Itali është mundur të shkatërrohet ditën e sotme. Policia italiane ka arresuar 11 shqiptare dhe rumunë gjatë operacionit të realizuar në Perugia, të cilët dyshohet se kanë kryer vjedhje në qendra tregtare, bare, kompani, si dhe banesa në Umbria dhe Toskana.
 
Hetimet e kryera nga policia kanë mundur të identifikojnë komponentët e një organizate të madhe kriminale të përbërë nga shqiptarë dhe rumunë të cilët banonin në Perugia dhe Romë, dhe kanë kryer jo më pak se 43 vjedhje me thyerje në mes prill dhe gusht 2013.
 
Në sajë të hetimeve është mundur të identifikohen 19 anëtarët e organizatës kriminale, ndërsa bëhet me dije se për 11 prej tyre janë lëshur urdhër arrestime burg.
 
Të arrestuarit akuzohen për një sërë grabitjesh, si dhe për trafikim të lëndëve narkotike.

Redaksia Online
(e.s/shqiptarja.com)