ITALI (Lampeduza) - Forcat e rojes bregdetare italiane janë angazhuar gjatë natës për shpëtimin e me shumë se 1000 emigrantëve klandestinë. Emigranët dhe azilkërkuesit ishin në tre varka të ndryshme, reth 40 milje larg bregut, të ishullit Italian Lampeduza. 

Ndërhyrja erdhi një ditë pasi marina italiane shpëtoi ne terësi 2500 refugjatë të tjerë. Shumë prej refugjatëve dhe azilkërkuesve mbërrijnë në itali nga Eritrea apo Siria, duke u nisur nga Libia. Ndërsa te tjerë vijnë nga pjesët e varfra në sub-Saharan të Afrikës.

Ndërkohë, vitet e fundit shumë refugjatë kanë humbur tragjikisht jetën në det, sepse shpesh ata kalojnë me varka peshkimi, të cilat janë të mbingarkuara, për të maksimizuar fitimet për trafikantët.
 

Redaksia Online
(Gre.M/f.i/Shqiptarja.com)