POP 5

Lajmet më të lexuara të 5 minutave të fundit

Bota

Itali/ Shqiptari arrestohet dy herë brenda gjashtë ditësh për drogë! Aventurë e rrezikshme me makinë për t’u arratisur, rrezikoi dhe nxënësit e shkollës

I dyshuari 27-vjeçar kishte mbërritur në Itali dy javë më parë, por pas ndalimit të parë në Colombo u la i lirë. Patrullat e pikasën sërish, teksa shkëmbeu dy pako hashash me 100 euro. Për të mos u kapur ndërroi marshin dhe rrezikoi gjithçka duke çarë dy postblloqe dhe derisa u kap në një ndjekje si në filma

Itali/ Shqiptari arrestohet dy herë brenda gjashtë ditësh për drogë! Aventurë e rrezikshme me makinë për t’u arratisur, rrezikoi dhe nxënësit e shkollës

Policia italiane gjatë aksionit

Itali- Mbërriti në Itali dy javë më parë dhe është arrestuar dy herë brenda kësaj periudhe për shpërndarje droge.

Kjo është historia e një 27-vjeçari shqiptar, që u kap nga karabinierët në lagjen Garbatella të Romës, teksa priste të merrte detyrat e ditës dhe porositë e shpërndarjes së mallit para parkingut të një supermarketi

Shpërndarja e drogës bëhej me porosi dhe doat dërgoheshin në banesë.

Arrestimi i tij u bë ndërsa ishte në prani të një klienti, në “Via Nemea”. Shqiptari drejtonte një “Citroen” të marrë me qira. Policia i kapi në flagrancë dy pako hashash me vlerë 100 euro të paguara nga klienti.

Shqiptari u shfaq nervoz gjatë aksionit, teksa tentoi të ndërronte marshin e makinës dhe të arratisej. Paniku te kalimtarët ka qenë i madh, pasi manovra e rrezikshme u krye pranë një shkolle të zonës dhe mund të kishte pasur bilanc tragjik.

Kjo aventurë ka zgjatur edhe më tej, teksa me gomë të çarë ai kaloi mbi trotuar për të shmangur një postbllok policie. Përpjekja e tij e fundit ishte largimi në këmbë dhe fshehja në tarracën e një ndërtese aty pranë. Por ky ishte fundi i aventurës, informon media italiane.

Pas arrestimit, në xhep i janë gjendur dy kartëmonedhat e shkëmbyera pak më parë për drogën, si dhe 125 euro të tjera, që mendohet se janë të ardhurat e supozuara të veprimtarisë së tij të paligjshme.

Arrestimi i parë i tij ishte bërë para gjashtë ditësh në zonën e Colombo, por u la i lirë. Këtë herë ai është burgosur me vendim gjykate, në pritje të procesit.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Krimi brenda familjes shqiptare në Greqi, ky është 53 vjeçari që goditi me thikë gruan dhe më pas u hodh nga ballkoni

Krimi brenda familjes shqiptare në Greqi, ky është 53 vjeçari që goditi me thikë gruan dhe më pas u hodh nga ballkoni

13 Mars, 11:33