POP 5

Lajmet më të lexuara të 5 minutave të fundit

Bota

Itali/ Shqiptari kapet me 3 kg kokainë të paketuar me “Rolex” dhe 48 mijë euro cash në banesë! Me precedentë penalë në trafikun e drogës, e tradhtuan lëvizjet

Operacioni në zonën e Sabaudia, agjentët vunë re lëvizjet e shpeshta të 33-vjeçarit, i skeduar si kontingjent krimi në Latina. Droga ishte sistemuar në dy vende, çanta me valutë brenda garderobës. Dyshohet si drejtues i një rrjeti lokal të narkotrafikut

Itali/ Shqiptari kapet me 3 kg kokainë të paketuar me “Rolex” dhe 48 mijë euro cash në banesë! Me precedentë penalë në trafikun e drogës, e tradhtuan lëvizjet

Kokaina e kapur shqiptarit, me stampë të markës së orëve luksoze

Itali- Një operacion policor në Latina, çoi policinë italiane në kapjen e një shqiptari me ngarkesën e 3 kg lëndë narkotike në kokaine dy ditë më parë. Aksioni u krye në zonën e Sabaudia dhe 33-vjeçari ishte një kontingjent krimi në fushën e narkotikëve.

Shqiptari dyshohet se është pjesë e drejtimit të një rrjeti trafiku në provincë. I dyshuari u kap në posedim të pothuajse 3 kilogramë kokainë, stampuar me një markë luksoze të orëve “Rolex”.

Hetimi nisi nga raportimet për aktivitete të pazakonta në një magazinë të braktisur në zonën e Sabaudia, ku ishin vërejtur disa lëvizje të çuditshme.

Hetuesit filluan një seri aksionesh, duke vënë re një individ i cili në disa raste, hynte dhe dilte me shpejtësi nga struktura dhe më pas kthehej në shtëpinë e tij, që ndodhej aty pranë, shkruan “LatinaQuotidiano”.

Në bazë të këtyre vëzhgimeve, autoritetet vendosën të ndërhyjnë mëngjesin e datës 3 tetor 2024. Oficerët, pasi kanë vëzhguar shtëpinë, kanë ndaluar të dyshuarin, shtetas shqiptar i datëlindjes 1991 (33 vjeç), tashmë i njohur në polici për çështje të mëparshme të trafikut të drogës.

Gjatë kontrollit në banesë, efektivët gjetën një sasi të parë kokaine, si dhe materiale për paketimin dhe peshimin e lëndës. Më pas, kontrolli në magazinë çoi në zbulimin e dy blloqeve të tjera me nga një kilogram kokainë, të dyja të shënuara me logon e një marke të njohur orëve të luksit.

Hetimet nuk u ndalën me kaq. Gjatë këtyre operacioneve, 48 mijë euro cash u gjetën në shtëpinë e shqiptarit, të fshehura në një çantë shpine brenda një gardërobë. Mungesa e provave që justifikonin një burim të ligjshëm të ardhurash bëri që autoritetet të kapnin shumën, me qëllim që të kuptonin nëse paratë mund të lidheshin me aktivitetet e paligjshme të të arrestuarit.

Në fund të aksionit, shqiptari është dërguar në burgun e Latina.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01