Ditën kur sapo kishte bërë 32-vjeç, shqiptari Elton Zefi festoi ditëlindjen me këtë akt heroik në Padova të Italisë.

I riu shqiptar ishte duke shkuar në punë dhe nuk e mendoi dy herë instinktin e pastër, duke u hedhur në ujërat e akullta të kanalit Battaglia sapo pa të moshuarin italian se po rrezikonte jetën duke u mbytur bashkë me mjetin e tij.

Vetëm pasi e shpëtoi nga mbytja, Elton Elezi nga Lezha kuptoi se personi që kishte shpëtuar ishte Giuseppe Salvalajo, ish-punëdhënësi i tij. 

“Kisha krampa në këmbë dhe të ftohtit po më mpinte. Po mendoja të dorëzohesha. Provova edhe një herë, me të gjitha forcat që më kishin mbetur, dhe arrita ta nxjerr nga makina. Pastaj e çova në breg, të sigurt e të gjallë.”

85-vjeçari sot jeton falë këtij akti heroik të të riut shqiptar, cili punon në një kompani panelesh fotovoltaike në Padova. Video e këtij akti ka bërë xhrion e rrjetit dhe televizioneve në shtetin fqinj, por shqiptari thotë se nuk e quan një akt heroik, por një veprim që erdhi natyrshëm.

Qytetarët e padovas kanë vlerësuar aktin e shqiptarit. Me nderime shqiptari Elton Zefi u prit edhe nga autoritet e pushtetit lokal. Pamjet, kur shqiptari shpëton sipërmarrësin italian janë postuar edhe nga kryeministrja Giorgia Meloni e cila e falënderon për guximin dhe e quan Elton Zefin hero.

K.M/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Laçiani: 23/11/2025 11:37

    Hallall gjini Nanes o Bish. Te rujt Zoti se ne Realitet ku esht gjaku Shqiptarit. Sakrifikon jeten me ndihmu nje Jete. Urime Hero

    Përgjigju
  • Sondazhi i ditës: 14 Janar, 18:35

    Arratisja e Ndocit, mendoni se Burgjet kanë standardet e duhura të sigurisë?

Lajme të tjera