POP 5

Lajmet më të lexuara të 5 minutave të fundit

Bota

Itali/ Shqiptari shpëton një grua në rrugë nga dhuna e ish-it! Gjykata e vlerëson për aktin e guximshëm, arrestohet 56-vjeçari

Ngjarja ka ndodhur në Guidonia të Romës, teksa agresori e përndiqte ish-partneren prej një viti, pasi ishin ndarë. Kërcënime, rrahje dhe lëndime. Në episodin e fundit, një emigrant shqiptar parandaloi përshkallëzimin e agresionit në rrugë, Policia e Tivolit prangos të dyshuarin

Itali/ Shqiptari shpëton një grua në rrugë nga dhuna e ish-it! Gjykata e vlerëson për aktin e guximshëm, arrestohet 56-vjeçari

Komisariati i Policisë në Guidonia

Itali- Një emigrant shqiptar në Itali, është kthyer në heroin e vendasve me një akt të guximshëm, madje duke rrezikuar edhe jetën e tij, teksa shpëtoi një grua të re, e cila po sulmohej dhunshëm në rrugë nga ish-partneri i saj.

Agresori po e godiste me shuplakë dhe kërcënonte ish-partneren, teksa mes njerëzve të shumtë ishte vetëm shqiptari që parandaloi përshkallëzimin.

Agjentët e Policisë së Tivoli, në Guidonia (Romë), kanë arrestuar 56-vjeçarin e dyshuar, që akuzohet për përndjekje, lëndime fizike dhe dëmtime të ish-partneres së tij. I dyshuari D.R., kishte shfaqur shenja agresioni pas ndarjes, duke e përshkallëzuar situatën, teksa sot u njoftua ekzekutimi i masës së sigurisë “arrest me burg”.

Mediat e vendit fqinj raportuan se ai e përndiqte ish-partneren prej një viti, madje nuk kishin muguar as kërcënimet, ofendimet dhe ndërhyrje të tjera në jetën e saj private.

Edhe pasi kishte pranuar një takim të fundit, ajo pësoi një agresion fizik dhe kërcënime, deri në zyrën e saj, pasi autori i shkoi te puna. Kurse më 7 tetor e kishte ndjekur me makinë, duke e ndaluar dhe goditur me shuplakë, aq sa ajo ra përtokë.

Në këtë episod, media “Latiburtinanews” shkruan se “ishte një qytetar i guximshëm shqiptar, që nuk e shikoi nga ana tjetër, por i tërhequr nga britmat e gruas ndërhyri në mbrojtje të saj”. Por edhe ai u bë edhe objekt i sulmit të agresorit 56-vjeçar. Emri i shqiptarit nuk u publikua.

Pas denoncimit dhe arrestimit, i dyshuari u burgos nga gjykata, duke evidentuar “mundësinë konkrete që i dyshuari të kryejë sjellje edhe më të rënda në dëm të gruas”.

Gjykata theksoi edhe aktin e shqiptarit si “kordon solidariteti”, madje “duke rrezikuar edhe jetën e tij”, për ta shpëtuar të renë nga aktet e dhunës në rrugë.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

GJKKO/ Gjyqi për zhdukjen dhe rrëmbimin e Jan Prengës, Dritan Rexhepi i pranishëm në seancë

GJKKO/ Gjyqi për zhdukjen dhe rrëmbimin e Jan Prengës, Dritan Rexhepi i pranishëm në seancë

24 Janar, 14:01