POP 5

Lajmet më të lexuara të 5 minutave të fundit

Bota

Itali/ Trafik kokaine nëpërmjet ‘WatsApp’, kapet në ndjekje 23-vjeçari shqiptar! I sekuestrohen armë dhe euro cash

Hetimet dhe zbërthimi i mesazheve në telefon zbulojnë strategjinë e shqiptarit të arrestuar ditë më parë në Varese. Si kërkoi të ‘mashtronte’ oficerët, qarkullonte me një mjet 'Golf', me targa zvicerane. Arma e gjahut dhe 460 fishekë në dhomën e gjumit, pas garderobës, i gjenden dhe 60 doza kokaine

Itali/ Trafik kokaine nëpërmjet ‘WatsApp’, kapet në ndjekje 23-vjeçari shqiptar! I sekuestrohen armë dhe euro cash

Foto ilustruese

Varese- Një 23-vjeçar shqiptar është arrestuar në Itali një javë më parë për posedim dhe shitje kokaine, një armë gjahu të prerë dhe 460 fishekë të kalibrave të ndryshëm. 

Seksioni antidrogë i Varese kishte marrë kohët e fundit lajmin për praninë e një shpërndarësi droge me origjinë ballkanike, i cili duke vepruar me një strategji krejt të veçantë, bënte tregtinë e mallit nëpërmjet rrjetit social dhe platformës WhatsApp.

Pasi vendoste vendin dhe orarin e takimit, ai paraqitej në takime në bordin e një serie të fundit ‘Golf’, me targë zvicerane. Këto detaje janë zbardhur nga hetuesit dhe publikuar sot (21 Dhjetor) në median e vendit fqinj.

Brenda pak ditësh, hetuesit identifikuan makinën dhe e ndoqën atë derisa gjetën shtëpinë e të riut në një komunë në zonën e Varese. Pasi dalloi se po ndiqej, ai ndali mjetin dhe u shtir sikur kishte nevoja personale (fiziologjike), por rrëshqiti me shpejtësi poshtë këmbëve një paketë që tentoi ta fshihte në një zgavër të një prej postave të hekurudhës. 

Më tej hipi në mjet dhe vijoi rrugën. Oficerët u ndanë, një grup ndoqi makinën dhe tjetri kontrolloi vendin. Pasi gjetën pakon e fshehur, vunë re se kishte brenda 40 doza kokaine. Më tej u ndal edhe mjeti për kontroll fizik, sikurse edhe 23-vjeçari. Policia tha se iu gjetën 20 doza të tjera dhe një shumë parash e madhe, që mendohet se janë të ardhura nga trafiku i drogës. 

Kontrolli vijoi në banesë, ku u zbuluan në një çantë shpine të fshehur poshtë krevatit, 460 gëzhoja të kalibrave të ndryshëm, si dhe një pushkë gjahu, në dhomën e gjumit, të futura pas një gardërobe.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Raporti: Kina dhe Izraeli kryesojnë vendet që burgosin gazetarët

Raporti: Kina dhe Izraeli kryesojnë vendet që burgosin gazetarët

22 Janar, 20:10