Itali, zgjedhjet në Rajonin e Umbria-s rrezikojnë të shkaktojnë krizë të re qeveritare

Pas humbjes dërmuese të Lëvizjes 5 Stelle në zgjedhjet rajonale në Rajonin e Umbria-s, në Itali, forcat e aleancës qeverisëse po akuzojnë njëra tjetrën duke rrezikuar një krizë të re qeveritare. Rezultati zyrtar i jep fitoren Mateo Salvinit me 36.9% e ndjekur nga Fratelli Diotalia me 10.4% kurse 5 Stelle 7.4%.

Ministri i Jashtëm Di Maio njëkohësisht lideri i 5 Stelle tha se "Eksperimenti me PD nuk është më i vlefshëm" dhe se “për lëvizjen është më mirë kur nuk krijon koalicione jo natyrale”.

Megjithatë Di Maio ka ulur tonet e forta teksa ka folur për përmirësimin e qeverisjes në mënyrë që ajo të përmbushë mandatin.  

Sekretari i Përgjithshëm i PD Nicola Zingaretti tha se Partia Demokratike ka marrë 22.3% të votave dhe përfaqëson "shtyllën e vetme të besueshme të një alternative për të djathtën".

Zingareti gjithashtu bëri thirrje për unitet në qeveri duke thënë se “Asnjë anëtar i aleancës nuk mund të dëshirojë ose të punojë për shkatërrimin e tjetrit".

Kryeministri Conte tha se  "Votimi nuk prek qeverinë, por i shërben më shumë frymës ekipore".  Një test rajonal nuk mund të ndikojë, nëse nuk do të kishim guxim dhe largpamësi do të ishte më mirë shkoni në shtëpi të gjithë”.

Duket se humbja e 5 stelle në Umbria i ka dhënë krah liderit të Lega Nord Matteo Salvini, i cili tha se “votimet në Umbria tregojnë se qeveria ‘Conte 2’ i ka ditët e numëruara”.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

FOTO/ Kanabis me postë nga SHBA, kush janë dy të rinjtë e arrestuar

FOTO/ Kanabis me postë nga SHBA, kush janë dy të rinjtë e arrestuar