Italia 400 mln euro për blerjen e ushqimeve për familjet që s'kanë mundësi ekonomike! Conte: Asnjë të mos ndihet i vetëm

Kryeministri Italian, Giuseppe Conte ka ndërmarrë një nisme të re për të ndihmuar familjet në nevojë. Ai ka akorduar një fond prej 4.3 miliardë euro për Bashkitë, nga të cilat 400 milion euro do të jenë vetëm për të ndihmuar me ushqime të gjithë familjet në nevojë. Gjatë konferencës që zhvilloi pasditen e kësaj të shtune, pas pasi bilancit të ministrisë së Shëndetësisë, Conte tha se në këtë formë u japim një sinjal të fortë që shteti është pranë tyre.

"Ne kemi parashikuar shpërndarjen e një fondi prej 4.3 miliardë euro fond solidariteti për komunat për t'i dhënë oksigjen të menjëhershëm buxheteve të tyre. Gjithashtu do të shtojmë edhe 400 milion euro për ndihma ushqimore. Kjo është mënyra më e shpejtë që ata që kanë nevojë të marrin një ndihmë konkrete", tha Conte. 

Ndërkohë, ai bëri me dije se nuk ka ende një vendim se kur do të hapen aktivitete ekonomike të cilësuara si "jo jetike". Conte tha se është i vetëdijshëm për pasojat ekonomike që do të ketë vendi, por shtoi se objektiv primar është shëndeti i qytetarëve.


Lajmi kryesor:

Koronavirusi/Bie kurba në Itali, ulen vdekjet dhe të infektuarit, rekord të shëruarit! 889 viktima në 24 orë! SHBA mbi 100 000 të infektuar


B.K./Shqiptarja.com
  • Sondazhi i ditës:

    Një ditë afat për reformën zgjedhore, a mendoni se palët politike do vendosin në favor të qytetarëve?



×

Lajmi i fundit

John

Goditet trafiku në Lezhë, sekuestrohen 95 kg kanabis, 11 mijë € dhe 3 makina! 4 të arrestuar