Në një deklaratë, agjencia italiane për privatësinë e të dhënave urdhëroi aplikacionin TikTok që t’i bllokojë llogaritë e secilit përdorues , për të cilët nuk është e mundur identifikimi i moshës. Edhe pse TikTok është zotuar që do ta ndalojë regjistrimin e fëmijëve nën moshën 13-vjeçare, është e lehtë që kjo rregull të anashkalohet. Prandaj u urdhërua që t’i bllokojë llogaritë e pavërtetuara të përdoruesve deri më 15 shkurt dhe të presë të dhënat tjera nga autoritetet.
Vendimi i autoriteteve italiane u mor pasi një vajzë 10-vjeçare vdiq nga asfiksia në Palermo. Ky rast e ka shokuar Italinë.
![](https://shqiptarja.com/template/img/NO_ALFA_Kuadrate shqiptarja.png)
Prindërit e saj thanë se vajza po merrte pjesë në sfidën e ashtuquajtur “blackout” në TikTok, duke vendosur rrip rreth qafës dhe duke e mbajtur frymën dhe njëkohësisht duke e incizuar veten me telefon.
Prokurorët kanë hapur hetime për nxitje të mundshme të vetëvrasjes dhe janë duke hulumtuar nëse dikush e ka nxitur vajzën që të marrë pjesë në këtë sfidë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)