POP 5

Lajmet më të lexuara të 5 minutave të fundit

Kultura

Italia në 160 vjet, çelet në Muzeun Kombëtar ekspozita 'Nga Alinarët tek mjeshtrit e fotografisë bashkëkohore'

Përgjatë dy ditëve në Muzeun Historik, çelet ekspozita “Nga Alinarët tek mjeshtrit e fotografisë bashkëkohore”. Në të dëshmohet përmes imazhit Italia dhe zhvillimi i saj përgjatë 160 viteve, por edhe vetë  historiku i fotografisë italiane.

Nga portretet e vëllezërve Alinari tek mjeshtrit e fotografisë bashkëkohore si Emiiano Mancuso, që trajton subjekte intime pa figurë njerëzore, muret e Muzeut Kombëtar u veshën mbrëmjen e së enjtes me imazhe të shtrira në një shekull e gjysmë e që dëshmojnë Italinë e përtej saj përmes një ekspozite..

“Në këtë ekspozitë ka një ndërthurje shumë të rëndësishme të fotografisë artistike, e asaj historike. Për ne si historianë, gjejmë foton e famshme të Giuseppe Garibaldit, që padyshim pati një ndikim edhe në lëvizjen e Rilindjes Kombëtare Shqiptare. Ashtu siç gjejmë edhe fotot të tjera të rëndësishme të ngjarjeve dhe vendeve që kanë shënjuar historinë e Italisë përgjatë këtij shekulli”, u shpreh studiuesi Dorian Koçi, drejtor i Muzeut Historik Kombëtar.

Ngjyra dhe abstraksion nga Franco Fontana, refleksione përmes gjuhës së trupit nga Michele Vestrini, jeta si skenë teatrale e Aleks Majolit, imazhet e fotografëve italianë ndërtojnë një rrëfim vizual përmes momenteve “të ngrira” në kohë.

Peizazhe, vepra dhe fytyra që komunikojnë në një larmi teknikash, copëza nga identiteti i një vendi në 160 vite dhe transformimin e tij.

“Emri i Italisë shkruhet në shumës, për të dhënë idenë e disa italive të vogla. Pasi është ky është qëllimi i ekspozitës, të përfaqësojë një vend me shumë diversitet, me një larmishmëri këndvështrimesh, dhe mendoj se shqiptarët mund ta gjejnë shumë mirë veten në të”, tha Alessandro Ruggera, drejtor i Insitutit Italian të Kulturës.

Ceremoni, gjendje, arkitekturë, spiritualizëm, 75 autorë rrëfejnë përmes imazhit edhe evolucionin e fotografisë italiane, në ekspozitën e kuruar nga Rita Scartoni dhe Luca Criscenti, që qëndron e hapur për dy ditë radhazi.

D.GJ/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15