POP 5

Lajmet më të lexuara të 5 minutave të fundit

Bota

Italia një hap larg kapërcimit të pikut të pandemisë, rritjen më të lartë e ka Belgjika

Të dhënat e javës së fundit mbi përhapjen e pandemisë tregojnë se Belgjika ka përqindjen më të lartë në botë 18,6%. Ndërsa Italia renditet e 10 me vetëm 5,6%. Sipas këtyre të dhënave Italia është shumë pranë pikut të të infektuarve dhe nga aty fillon edhe ulja e numrit të të prekurve dhe rrjedhimisht edhe të viktimave.

Një analizë e ditëve të fundit mbi përhapjen e koronavirusit në botë tregon se virusi po përhapet me ritme të larta në Belgjikë që mban dhe vendin e parë në Europë, ndërsa në Itali përhapja e virusit po ndalet. 

Kjo është një analzië e bërë gjatë javës së fundit në vendet më të goditura nga koronavirusi. Kjo analizë është bërë me të dhënat e orës 10 të darkës të datës 29 mars për 12 shtete.

Italia ka një rritje të personave të infektuar prej 5,6%. Kjo është përqindja më e ulët e përhapjes së virusit që në zanafillën e tij. Rritja më e madhe vërehet në Belgjikë, më pas në Shtetet e Bashkuara të Amerikës dhe Britaninë e Madhe.

Aktualisht Italia është vendi i dytë në botë për të infektuarit nga koronavirusi, teksa është shumë pranë kalimit të 100 mijë të infektuarve. Ndërsa renditet e para në botë për numrin më të lartë të viktimave, 10 779.

Por kujtojmë se epidemia në Europë u përhap fillimisht në Itali ku përjashtohet Koreja e Jugut dhe Kina, por të dhënat statistikore tregojnë se në Itali po përhapet më ngadalë se në vendet e tjera europaine dhe Shteteve të Bashkuara të Amerikës. Italia në raport me shpejtësinë e përhapjes dhe numrin e të infektuarve, renditet në vendin e 10 në botë. Gjermani dhe Spanja duke marrë parasysh numrat e fundit do të kalojnë shumë shpejt Italinë e cila është shumë pranë pikut dhe kalimit të krizës.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

5 netë 'roje' për të vrarë Eduard Reçin/ Shkëlqim Dukaj u fsheh te shkallët e një hoteli, autorët e dyshuar kyçin gojën në polici

5 netë 'roje' për të vrarë Eduard Reçin/ Shkëlqim Dukaj u fsheh te shkallët e një hoteli, autorët e dyshuar kyçin gojën në polici

25 Nëntor, 09:17