Lule, tabela, flamuj të Forza Italia dhe shalle të Milanit janë objektet që qytetarë të shumtë kanë lënë në hyrjen e vilës San Martino, rezidenca e ish kryeministrit Italian, Silvio Berlusconi. Lideri i “Forca Italia” u nda nga jeta dje në moshën 86-vjeçare në spitalin San Raffaele në. Milano.
Pavarësisht shiut të rrëmbyeshëm, kishte qytetarë që u ndalën para vilës ku është sjellë arkivoli i ish-kryeministrit që në orët e para të pasdites së djeshme për të pritur varrimin shtetëror të planifikuar për nesër në orën 15:00 në Katedralen e Milanos.
Dhjetra dhurata u lanë përpara vilës historike San Martino në Arcore. Një banderolë e madhe me fjalët 'Faleminderit përgjithmonë president' u shfaq mëngjesin e sotëm në një gardh që kalon përgjatë vilës, i nënshkruar nga tifozët.
Forca Italia në udhëkryq
Vdekja e Berlusconit pritet të shkaktojë tronditje në partinë e tij “Forza Italia”, me analistët që besojnë se kjo mund të sigurojë një shans për kryeministren Giorgia Meloni për të forcuar udhëheqjen e saj. Fati i partisë që ‘kavalieri’ e krijoi në vitin 1994 kur u fut në politikë është në pikëpyetje.
Vajza e tij më e madhe, Marina, e cila ka kryesuar kompaninë e Berlusconit Fininvest që nga viti 2005 dhe është 56 vjeç, mund të jetë gjithashtu liderja e cila do të marrë frenat e partisë.
Nga ana tjetër një pasuri që llogaritet rreth 4 miliardë eurosh do të ndahet mes 5 fëmijëve të tij.
Neser varrimi
Katër herë kryeministri, themeluesi i Fininvest dhe Mediaset, ish-presidenti i Milanos dhe krijuesi i Forza Italia u nda nga jeta dje pas përkeqësimit të papritur të gjendjes së tij shëndetësore që e kishte detyruar të shtrohej sërish në spitalin San Raffarele.
Në ceremoninë e varrimit që do të mbahet në Katedralen e Milanos së tij pritet të jenë të pranishëm edhe shumë liderë të botës. E mërkura është shpallur zi kombëtare në Itali dhe në të gjitha institucionet shtetërore, ambasadat dhe konsullatat flamuri do të jetë në gjysmështizë.
Pesë fëmijë nga dy martesa dhe një perandori mediatiko-financiare e politike la pas Silvio Berlusconi, i cili u nda nga jeta mëngjesin e kësaj të hëne në moshën 86-vjeçare. Menaxhimi i trashëgimisë së tij është në qendër të vëmendjes.
Vdekja e Berlusconit pritet të shkaktojë tronditje në partinë e tij “Forza Italia”, me analistët që besojnë se kjo mund të sigurojë një shans për kryeministren Giorgia Meloni për të forcuar udhëheqjen e saj. Fati i partisë që ‘kavalieri’ e krijoi në vitin 1994 kur u fut në politikë është në pikëpyetje.
Vajza e tij më e madhe, Marina, e cila ka kryesuar kompaninë e Berlusconit Fininvest që nga viti 2005 dhe është 56 vjeç, mund të jetë gjithashtu liderja e cila do të marrë frenat e partisë.
Nga ana tjetër një pasuri që llogaritet rreth 4 miliardë eurosh do të ndahet mes 5 fëmijëve të tij.
‘Kavalieri’ kishte pesë fëmijë nga dy martesa. Nga martesa e parë pati dy fëmijë, Marina dhe Pier Silvio, ndërsa nga e dyta Barbara, Eleonora dhe Luigi.
Ndërkohë që vetëm përpara noterit do të zbulohet nëse gruaja e tretë Marta Fascina e martuar vetëm 'simbolikisht', me një martesë pa vlerë ligjore në vitin 2022 do të jetë pjesë e pronave dhe llogarive bankare të Berlusconit. Megjithatë, tema qendrore e trashëgimisë është ndarja e 61% e Fininvest, kompania që kontrollon Mediaset.
Trupi i Silvio Berlusconit u dërgua në shtëpinë e tij në Arcore, ku më pas mbërritën fëmijët dhe të afërmit e tij për një moment të ngushtë familjar. Të mërkurën ai do të transferohet në Katedralen e Duomos në Milano për nderimet e fundit për njeriun që shënjoi një epokë të histori së italiane.
Lajme të tjera
-
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48 -
Itali/ Do trafikonin 2 kg kokainë, arrestohen shqiptari dhe italiani! U sekuestrohen edhe hashash e valutë
21 Dhjetor, 21:42 -
Itali/ Trafik kokaine nëpërmjet ‘WatsApp’, kapet në ndjekje 23-vjeçari shqiptar! I sekuestrohen armë dhe euro cash
21 Dhjetor, 19:39
